19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Պայթյունավտանգ տարածաշրջանում ենք ապրում. Տավուշում ունենք նույնքան խնդիր,որքան Սյունիքում, Արարատում
Քաղաքականություն
09.03.2021 | 12:56
«Դուք գիտե՞ք` 1994 թվականի զինադադարից հետո երբ են առաջին գերիները վերադարձել, գերիները վերադարձել են 1995 թվականի գարնանը»,- այս մասին լրագրողների հետ զրույցում ասաց ՀՀ ազգային ժողովի պատգամավոր Արման Եղոյանը՝ անդրադառնալով դիտարկմանը, որ պատերազմից անցել են ամիսներ, բայց գերիների վերադարձի հարցը չի լուծվել:
Եղոյանը հավելեց, որ Ալիևի հայտարարությունից հետո, որ գերիներին չեն վերադարձվելու, շուրջ 10 հոգի վերադարձել է:
«Ադրբեջանն այնպիսի պետություն է, որ շատ հանգիստ կարող է չկատարել իր առջև դրված պարտականությունները և ոտնահարել միջազգային մարդասիրական իրավունքը: Դուք չգիտե՞ք՝ Ադրբեջանն ինչ տեսակի պետություն է, կարո՞ղ է եվրոպական կամ Եվրոպայի անդամ երկրի մասին ենք խոսում, որ ասում եք՝ իր պարտականությունները չի կատարում, դա այդպիսի պետություն է, որ կարող է նաև չկատարել պարտականությունները և շատ հանգիստ կարող է ոտնահարել միջազգային մարդասիրական իրավունքը, եթե դրա համար քաղաքական նախապայմաններ է տեսնում»,- ասաց պատգամավորը՝ հավելելով, որ ներքաղաքական խնդիրները անբարենպաստ վիճակ են ստեղծում արտաքին քաղաքականության հարցերը լուծելու համար:
Արման Եղոյանը մեկնաբանեց Տավուշի մարզում կատարվող իրադարձությունները՝ նշելով՝ չի հասկանում, թե ինչու է այսպիսի աղմուկ բարձրացել:
«Ես այս աղմուկը անկեղծորեն չեմ հասկանում… Սյունիքի դեպքում դեռ նոյեմբերին վարչապետն ասել է, որ այնտեղ լինելու է սահմանազատում… Մենք պետք է թույլ չտանք, որ նման թեմաները շահարկվեն, ընթացքից էլ շատ բան է կախված, որ գրում են՝ պանիկա է և այլն: Նախ ասեմ՝ ամեն փաստ չէ, որ պետք է արձանագրել»,- ասաց Արման Եղոյանը՝ ընդգծելով, որ պայթյունավտանգ տարածաշրջանում ենք ապրում. Տավուշում ունենք նույնքան խնդիր, որքան Սյունիքում, Գեղարքունիքում, Արարատում, Երևանում:
Մանրամասները՝ տեսանյութում:
