13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Անհամապատասխանություն կա «Covid-19-Հայաստան» դրամահավաքի գումարի վերաբերյալ տվյալներում․ Ա․ Խաչատրյան. ՏԵՍԱՆՅՈՒԹ
Քաղաքականություն
09.03.2021 | 12:05
Մեկնարկել է COVID-19-ի դեմ պայքարի արդյունավետությունն ուսումնասիրող քննիչ հանձնաժողովի այսօրվա նիստը:
Հանձնաժողովի նախագահ Արկադի Խաչատրյանը տեղեկացրեց, որ վերջին նիստից հետո անհրաժեշտություն էր առաջացել լրացուցիչ հարցեր ուղղել Կառավարությանը, մասնավորապես՝ էկոնոմիկայի, արդարադատության նախարարներին և ՊԵԿ-ին: Հարցերը վերաբերել են փոքր և միջին բիզնեսի վրա համավարակի ունեցած ազդեցությանը:
Խաչատրյանը հայտնեց, որ փոխվարչապետ Տիգրան Ավինյանը նամակով առաջարկել է ողջամիտ ժամկետ՝ մինչև մարտի 30-ը՝ ամբողջական և սպառիչ տեղեկատվություն տրամադրելու համար:
Խաչատրյանի խոսքով՝ ԿԲ-ի կողմից առաջարկվել է ողջամիտ ժամկետ ԿԲ դիտարկումները ներկայացնելու համար մինչև մարտի 12-ը:
Խաչատրյանը հավելեց, որ հանձնաժողովի ուղղած հարցերին պատասխանել են ԿԳՄՍ նախարարը, Աշխատանքի և սոցիալական հարցերի նախարարը, Կրթության տեսչական մարմինը, ՊԵԿ-ը, «Հայաստան» համահայկական հիմնադրամը, Վայոց ձորի մարզպետարանը և Երևանի թիվ 1 տուն-ինտերնատը:
Խաչատրյանի խոսքով՝ անհամապատասխանություն կա «Covid-19-Հայաստան» դրամահավաքի գումարի վերաբերյալ տվյալներում:
Մանրամասները՝ տեսանյութում:
