01.08.2026 | 14:10
Պետությունը Լոռի բերդ համայնքին է տրամադրել 8 միավոր տեխնիկա
Ընդդիմության պահանջը Փաշինյանից` անմիջապես հրաժարական տալ, ռեկորդային գնաճ ՀՀ-ում. Լուրեր
Քաղաքականություն
08.03.2021 | 18:30
Ընդդիմությունը այսօր հանրահավաք-երթ է կազմակերպել, որը մեկնարկել է Բաղրամյան պողոտայից և շարժվել է դեպի Եռաբլուր: Մինչ երթի մեկնարկը Հայրենիքի փրկության շարժում նախաձեռնության համակարգող Իշխան Սաղաթելյանը ասել է, որ արտահերթ ընտրությունների մասին վարչապետ Նիկոլ Փաշինյանի հայտարարությունները բլեֆ են, ուշադրությունից շեղելու միջոց։ Ըստ Սաղաթելյանի, եթե Փաշինյանը ուզում է արտահերթ ընտրություններ, պետք է անմիջապես հրաժարական տա, և երկիրը գնա ընտրությունների։
—
ՀՀ առաջին նախագահ Լևոն Տեր-Պետրոսյանն անդրադարձել է զինվորականության բարձրագույն հրամկազմի հայտարարությանը։ Տեր-Պետրոսյանը ողջունել է, մեջբերում եմ, «զինվորականության զուսպ պահվածքը՝ որոշ ուժերի կողմից նրան հակասահմանադրական գործողությունների մղելու կոչերի և դրդումների նկատմամբ»։ Առաջին նախագահը նշել է, որ իր համար լիովին հասկանալի է զինվորական հրամկազմի վրդովմունքը, որի պատճառը, ըստ Տեր-Պետրոսյանի, պարտության մեղքը զինվորականության վրա գցելու վարչապետի անհաջող փորձն էր։
—
Փետրվարին Հայաստանում ռեկորդային գնաճ է գրանցվել վերջին 6 տարվա կտրվածքով։ 12-ամսյա գնաճը կազմել է 5.3%։ Տեղեկանում ենք Պետական վիճակագրական ծառայության հրապարակած տվյալներից։
