Եթե Փաշինյանն արտահերթ ընտրություն է ուզում, թող հենց հիմա գա ԱԺ և հրաժարական տա. Իշխան Սաղաթելյան. ՏԵՍԱՆՅՈՒԹ

Նախագն ասել է, որ իր դիրքորոշման մասին կհայտնի սահմանված ժամկետում: Նա երկրում ստեղծված իրավիճակի համար ունի ամբողջական պատասխանատվություն և ստեղծված իրավիճակից հանգուցալուծման ելքերից մեկն այն է, որ պահպանի Սահմանադրությունը, և նախագահը դիմի ՍԴ: Այս մասին Բաղրամյան պողոտայում լրագրողների հետ զրույցում նշեց «Հայրենիքի փրկության շարժման» համակարգող, ՀՅԴ ԳՄ ներկայացուցիչ Իշխան Սաղաթելյանը՝ հավելելով, որ ակնկալիքն ունեն նախագահի:

Նա հավելեց, որ իրենք միշտ ունեն սցենարներ. «Վաղը ըստ իրավիճակի կորոշենք մեր քայլերը և կգնանք այդ ուղղությամբ»:

Անդրադառնալով դիտարկմանը, թե տարբեր քաղաքական ուժեր հանդիպում են վարչապետ Նիկոլ Փաշինյանի հետ՝ արտահերթ ընտրությունների անցկացման թեմայով, Սաղաթելյանը նշեց, որ իրենք ունեն միայն մեկ օրակարգ՝ Նիկոլ Փաշինյանի պաշտոնանկությունը. «Այդ օրակարգով միշտ պատրաստ ենք հանդիպելու խոսելու իր հեռացման ճանապարհային քարտեզը քննարկելու:

Ինչ վերաբերում է արտահերթ  ընտրությունների իր կոչերին, նախ, իմ կարծիքով, ինքն իրականում դա չի ուզում, դա բլեֆ է: Նկատի ունենալով, որ «Հայրենիքի փրկության շարժումը»  գտնվում է իր վերելքի վրա, նա կրկին ուզում է փոխել օրակարգը, շեղել բուն օրակարգից և մեզ մտցնել անիմաստ քննարկման մեջ: Եթե ինքն անկեղծ է, թող հենց հիմա գա ԱԺ, հրաժարական տա, և նշանակեն արտահերթ ընտրություններ, ում է սպասում:

Խորհրդարանական մյուս կուսակցությունների որոշումից ընդհանրապես կախված չէ իր որոշումը: Ինքն ունի խորհրդարանական մեծամասնություն: Իսկ եթե ինըք մտածում է, որ իր խմբակցությունը կգնա կքվեարկի վարչապետի այլ թեկնածուի օգտին, նշանակում է՝ ինքը չունի խորհրդարանական մեծամասություն: Եթե դա էլ չունի, մնացել է, որ ինչ անի, թող հեռանա»,- նշեց Սաղաթելյանը:

Մանրամասները՝ տեսանյութում: