18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
«Բոմժ», «ժեխ», «վնգստացող դատավոր»․ ովքեր են չարաշահում վիրավորանքի ու ատելության խոսքը․ ՏԵՍԱՆՅՈՒԹ
Քաղաքականություն
06.03.2021 | 17:00
«Բոմժ», «ժեխ», «վնգստացող դատավորներ»․․․ Ատելության, վիրավորանքի խոսքերի ու բռնության այս կոչերի ժամանակագրությունը վերջին 1 ամիսն է, իսկ նշված օրինակները՝ հերթականը։ Ամբիոններից մինչև փողոց ու համացանց՝ ատելության չափաբաժինն ամեն անցնող օր ավելի է մեծանում։
Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը նշում է՝ նույն խոսքը շարքային քաղաքացու և քաղաքական գործչի բերանից հնչելիս տարբեր կշիռ ունի։
Ի դեպ՝ ատելության ու բռնության կոչեր հնչեցնողներին չի զսպում նաև այն, որ նախորդ տարվա ապրիլին ատելության խոսքը քրեականացվեց։ ԱԺ «Լուսավոր Հայաստան» խմբակցության պատգամավոր Անի Սամսոնյանը նշում է՝ իրավական կարգավորումներից առաջ ամեն պաշտոնյա ինքն իրեն պետք է զսպի։
ԲՀԿ-ական Արման Աբովյանն էլ հիշեցնում է՝ իրենք մշտապես կարծել են, որ օրենքով վիրավորական խոսքը հնարավոր չէ կառավարել։ «Իմ քայլը» խմբակցությունից Արուսյակ Ջուլհակյանի կարծիքով՝ ատելության խոսքի քրեականացումը կարևոր փոփոխություն էր, բայց կանխարգելիչ ազդեցություն չունեցավ։
Պատգամավորների խոսքը չի վերահսկվում նաև խորհրդարանի դահլիճում և ամբիոնի մոտ՝ ԱԺ-ն էթիկայի մշտական հանձնաժողով չունի։
Մանրամասները՝ տեսանյութում։
Իրինա Մկրտչյան
