20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Օնիկ Գասպարյանի լիազորությունները կատարում է Վաղարշակ Հարությունյանը. Անդրանիկ Քոչարյան․ ՏԵՍԱՆՅՈՒԹ
Քաղաքականություն
05.03.2021 | 22:08
Մենք սպարապետ Վազգեն Սարգսյանի շիրիմին գնում ենք միշտ և շարունակելու ենք գնալ: Սպարապետի թողած ժառանգությունը միայն նյութականը չի, հոգևոր մեծ ժառանգություն է թողել Զինված ուժերի համար: Factor TV-ի հետ զրույցում այս մասին ասաց ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով դիտարկմանը, որ մեղադրանքներ կան ընդդիմության կողմից, թե «ինչ խղճով են գնում սպարապետի շիրիմին, երբ կորցրել են նրա ազատագրած Արցախը»:
«Ինչո՞ւ Ռոբերտ Քոչարյանը երբևէ ոտք չի դրել Եռաբլուր՝ Վազգեն Սարգսյանի ծննդյան օրը: Հարց չի առաջանո՞ւմ, ի՞նչ մեղքի զգացում ունի: Այսօր Սերժ Սարգսյանի ուղարկած ծաղկեպասակը տեսա, բայց նա էլ շատ դեպքերում հինգ տարին մեկ կարող է գնալ, բայց Քոչարյանին ոչ մեկը չի տեսել Եռաբլուրում՝ Վազգեն Սարգսյանի շիրիմի մոտ»,- հայտարարեց Անդրանիկ Քոչարյանը:
Նա նաև հայտարարեց, որ պահին պաշտպանության նախարար Վաղարշակ Հարությունյանը զուգահեռաբար իրականացնում է նաև ԳՇ պետ Օնիկ Գասպարյանի լիազորությունները․ «Վաղարշակ Հարությունյանն այսօր, բացի պաշտպանության նախարարի պարտականություններից, իրականացնում է նաև Գլխավոր շտաբի պետի պարտականությունները: Օնիկ Գասպարյանն այլևս իրավունքի ուժով չպետք է լինի ԳՇ պետ»:
Հարցին՝ ո՞ւր են ապացույցները, որ Սերժ Սարգսյանի դրդմամբ է ԳՇ պետ Օնիկ Գասպարյանը նման հայտարարություն տարածել, Անդրանիկ Քոչարյանը պատասխանեց. «Ապացույցը Ռոբերտ Քոչարյանի երեկվա հարցազրույցն էր, ապացույցը Վազգեն Մանուկյանի հնչեցրած կոչն էր… ասում են՝ մենք չենք կարողանում բանակ, արի գրավի, տուր մեզ»:
Հարցազրույցն ամբողջությամբ՝ տեսանյութում:
Նարեկ Կիրակոսյան
