26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
ԱԳՆ պատասխանը Ալիևին, պաշտոնյաներ-լրագրողներ վեճ Եռաբլուրում. Լուրեր
Քաղաքականություն
05.03.2021 | 18:16
Ադրբեջանի նախագահը սադրիչ հայտարարությամբ դիտավորյալ տապալում է նոյեմբերի 9-ի և հունվարի 11-ի եռակողմ հայտարարությունների կյանքի կոչումը: Այս մասին նշել է ԱԳՆ խոսնակ Աննա Նաղդալյանը։ Նա հակադարձել է Իլհամ Ալիևին ու նշել, որ համաձայնություններում Ադրբեջան-Նախիջևան որևէ միջանցքի մասին խոսք չկա։
—
Պաշտպանության նախարար Վաղարշակ Հարությունյանը, ԵԿՄ ղեկավար Սասուն Միքայելյանը, Ազգային ժողովի պաշտպանության և անվտանգության հանձնաժողովի նախագահ Անդրանիկ Քոչարյանը և այլ պաշտոնյաներ այսօր այցելել են Եռաբլուր՝ սպարապետ Վազգեն Սարգսյանի ծննդյան օրվա կապակցությամբ։
Վաղարշակ Հարությունյանը և Սասուն Միքայելյանը հրաժարվել են պատասխանել լրագրողների հարցերին։ Միքայելյանին ուղեկցող Անդրանիկ Քոչարյանի և լրագրողների միջև վեճ է եղել այդ առիթով։
Սյունիքի սահմանին ադրբեջանցիների կողմի խրամատ փորելու մասին հարցին կարճ պատասխանել է ՊՆ տեղակալ Արման Սարգսյանը։ Նա նշել է, որ սյունեցիները բացարձակ անհանգստանալու կարիք չունեն
—
Թուրքիան հանվել է ԵՏՄ սակագնային արտոնություններից օգտվող զարգացող երկրների ցանկից։ Այդ մասին որոշումն ընդունվել է ԵՏՄ կոլեգիայի նիստում Հայաստանի առաջարկությամբ։ Այդ ցանկից հանվել է ևս 74 պետություն։
—
