Թուրքիան ու Ադրբեջանը պատրաստվում են լայնամասշտաբ պատերազմի. Արման Աբովյան. ՏԵՍԱՆՅՈՒԹ

Թուրքիայի և Ադրբեջանի կողմից արվում են հայտարարություններ, որոնք վկայում են նրանց նկրտումների մասին, իսկ մեր երկրում իշխանությունները խոսում են այն մասին, որ ճանապարհների ապաշրջափակման արդյունքում հնարավոր է հարաբերություններ հաստատել այդ երկրների հետ: Factor.am-ի հետ զրույցում անդրադառնալով այս դիտարկմանը՝ ԲՀԿ խմբակցության պատգամավոր Արման Աբովյանը նշեց, որ ո՛չ ներկայում, ո՛չ էլ մոտակա ապագայում հնարավոր չէ հարաբերություններ հաստատել Թուրքիայի և Ադրբեջանի հետ:

«Ո՛չ Թուրքիան և ո՛չ էլ Ադրբեջանը հետաքրքրված չեն Հայաստանի տնտեսական ամրապնդման հարցում, որովհետև նրանց վերջնական նպատակը պատերազմն է: Այո՛, Թուրքիան և Ադրբեջանը պատրաստվում են մեծ, լայնամասշտաբ պատերազմի… Իսկ մեր իշխանությունը գերադասում է ընկնել վարդագույն երազանքների մեջ՝ կրկին  ժողովրդի անվտանգության հաշվին:

Ադրբեջանը ինչի՞ համար է ռազմական բյուջեն ավելացրել 2 մլրդ 700 մլն-ով. պատերազմի համար: Ինչի՞ համար է շարունակ հարձակողական զորավարժություններ անում ՀՀ սահմանի երկայնքով:

Ինչի՞ դիմաց են հարաբերություններ հաստատելու, ոչնչացված Հայաստանի՞, թե՞ թուրքերի հետ պայմանավորվելու են Հայոց ցեղասպանության խնդրի մասին լռել… Այս «խաղաղասիրությունը» բերում է առավել մեծ վտանգների գեներացման մեր հանդեպ:

Թուրքիան և Ադրբեջանը ավելացնելով ռազմական գործոնը պատրաստվում են պատերազմի և շատ ուժեղ են պատրաստվում: Նրանք բավականին լուրջ  դիրքավորվում են Որոտանում, Շուռնուխում»,- նշեց Աբովյանը:

Մանրամասները՝ տեսանյութում: