19.01.2026 | 17:13
Փաշինյանը կստանա «Զայեդ» մարդկային եղբայրության մրցանակը․ այն կհանձնվի փետրվարին Աբու-Դաբիում
Իտալիայում հետաձգվել են տեղական ինքնակառավարման մարմինների ընտրությունները
Քաղաքականություն
04.03.2021 | 16:23
Իտալիայում հետաձգվել են տեղական ինքնակառավարման մարմինների ընտրությունները։ Դրանք պետք է տեղի ունենային մայիս-հունիս ամիսներին, սակայն կորոնավիրուսային համաճարակի հետ կապված իրավիճակի պատճառով, որը դեռևս շարունակվում է ու մուտացիաների հետևանքով առաջացած տարբեր շտամերի պատճառով բարդ փուլում է գտնվում, ընտրությունների անցկացման պաշտոնական ժամկետները հետաձգվել են 2021 թվականի հոկտեմբերի 10-ին ու 11-ին։ Ապա հոկտեմբերի 24-25-ը տեղի կունենան քվեարկության վերջնական փուլերը, գրում է Italy 24 news-ը։
Տեղեկացվում է, որ կառավարության համապատասխան որոշումը շուտով կհրապարակվի։ Նշվում է, որ շաբաթներ շարունակ կառավարությունում քննարկվել է այս հարցը։
Փաստացիորեն դժվար է կարծել, որ երկրում ստեղծված ներկայիս առողջապահական վիճակը թույլ կտա ընտրատեղամասերը բացել ամռան սկզբին։ ՏԻՄ ընտրությունների հետաձգումը թույլ կտա նաև թեկնածուներին ավելի արդյունավետ ձևով կազմակերպել նախաընտրական քարոզարշավը։
Տաթև Ֆռանգյան
