19.01.2026 | 21:50
Չինաստանում 2025 թվականին ծնելիության ռեկորդային ցածր մակարդակ է գրանցվել
Մյանմայում բողոքի ցույցերի դաժան բռնաճնշումների զոհն է դարձել 50 մարդ
Քաղաքականություն
04.03.2021 | 13:21
Մյանմայում զինվորականների իշխանության գալուց հետո գրեթե 1,500 մարդ է ձերբակալվել: Այս մասին հինգշաբթի օրը հայտնել են Մյանմայի քաղբանտարկյալների օգնության ասոցիացիայից, գրում է ՏԱՍՍ-ը:
«Մարտի 3-ի դրությամբ բերման է ենթարկվել 1498 մարդ», – ասվում է զեկույցում:
«Այս պահի դրությամբ 1,192 ձերբակալված դեռևս գտնվում է անազատության մեջ, չորս անձ դատապարտվել է ազատազրկման: Ասոցիացիայի կողմից ստացված պաշտոնական ցուցակները ցույց են տալիս, որ չորեքշաբթի 183 մարդ է բերման ենթարկվել: Սակայն ավելի քան 400 մարդ ձերբակալվել է միայն Յանգոնում, իսկ 800-ը ՝ երկրի ողջ տարածքում», – հավելել են ասոցիացիայից:
Կազմակերպության հաշվարկներով ՝ մեկ օրում Մյանմայում զոհվել է 19 մարդ: Միևնույն ժամանակ, նույն ժամանակահատվածում ՄԱԿ-ը հաղորդել է 38 մահվան դեպքերի մասին: Չնայած մեկ օրում գրանցված մահերի վերաբերյալ ներկայացված տարբեր թվերին, ըստ երկու կազմակերպությունների տվյալների՝ բողոքի ցույցերի սկզբից ի վեր զոհերի ընդհանուր թիվը նույնն է։
«Բողոքի ցույցերի դաժան ճնշման արդյունքում սպանվել է շուրջ 50 մարդ», – շեշտում են ակտիվիստները:
Ինչ վերաբերում է տուժածներին, ապա մեկ օրում տարբեր աստիճանի մարմնական վնասվածքներ է ստացել 94 մարդ՝ ուժայինների կողմից լուսաձայնային նռնակների, ռետինե ու մարտական փամփուշտների օգտագործման արդյունքում։
Տաթև Ֆռանգյան
