27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Թաջ Մահալից տարհանել են զբոսաշրջիկներին․ տեղադրված ռումբի մասին ահազանգ է ստացվել
Քաղաքականություն
04.03.2021 | 12:48
Այսօր առավոտյան հնդկական Թաջ Մահալ տաճարը կարճ ժամանակով փակվել է, իսկ զբոսաշրջիկները տարհանվել են այն բանից հետո, ինչ Ուտտար Փրադեշ նահանգի ոստիկանությունը ահազանգ է ստացել այն մասին, որ տաճարի տարածքում ռումբ կա տեղադրված, գրում է NDTV-ն։
Ահազանգը կատարվել է ոստիկանության թեժ գծին, որից հետո ահազանգի մասին ոստիկանությունը տեղեկացրել է Կենտրոնական անվտանգության ուժերի աշխատակիցներին, որոնք էլ այցելուներին խնդրել են ազատել 17-րդ դարին կառուցված տաճարի տարածքը:
Իշխանությունները մանրակրկիտ ստուգումներ են անցկացրել տաճարում ռումբի մասին սպառնալիք ստանալուց հետո: Որոշ ժամանակ անց զբոսաշրջիկների մուտքը տաճար թույլատրվել է: Ոստիկանությունից հայտնել են, որ ռումբ չի հայտնաբերվել:
Տաթև Ֆռանգյան
