11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Ահաբեկչություն Շվեդիայում․ 8 վիրավոր․ Ոստիկանությունը կոչ է անում բոլոր ականատեսներին արձագանքել
Քաղաքականություն
04.03.2021 | 12:24
Շվեդիայի հարավում գտնվող Վետլանդա քաղաքում հարձակման արդյունքում վիրավորվել է 8 մարդ։ Ոստիկանությունը կատարվածը որակել է որպես ահաբեկչական հարձակում, գրում է vesti.ru-ն։
Բոլորը տարբեր աստիճանի մարմնական վնասվածքներով տեղափոխվել են հիվանդանոց։ Հետաքննություն շահերից ելնելով նրանց մասին այլ մանրամասներ չեն հաղորդվում։ Ոստիկանությունը կոչ է անում բոլոր ականատեսներին պատմել ամենը, ինչ տեսել են։ Երկրի վարչապետը կատարվածն անվանել է «զզվելի հարձակում»։
«Այս հարձակումը հիշեցնում է այն մասին, թե ինչքան փխրուն է մեր հանգիստ կյանքը։ Կոչ եմ անում բոլորին մտածել բռնությունից տուժածների մասին, այն կանանց ու տղամարդկանց մասին, որոնք աշխատում են հիվանդանոցներում, ոստիկանությունում, համայնքներում, որոնք զբաղվում են վիրավորների բուժմամբ ու կարգ ու կանոնի վերականգնմամբ»,- ասել է Շվեդիայի վարչապետ Ստեֆան Լյովենը։
Հայտնի է, որ հարձակվողը, որն արդեն ոչ մեկ անգամ հայտնվել է Ոստիկանության տեսադաշտում, իր մոտ ունեցել է սառը զենք. ենթադրաբար, դանակ։ Ի սկսզբանե գրոհը որակել են որպես սպանության փորձ, սակայն ավելի ուշ սկսել են դիտարկել ահաբեկչության վարկածը։
«Ոստիկանությունը կրակ է բացել հարձակվողի վրա, նա վիրավորվել է ու գտնվում է հիվանդանոցում։ Այժմ նա գտնվում է հսկողության տակ։ Հարձակվողի տարիքը, ենթադրաբար 20 է։ Մենք մի քանի ականատեսներ ունենք։ Մենք աշխատում ենք նրանց հետ՝ կատարվածի բոլոր հանգամանքները բացահայտելու համար»,- պատմել է ոստիկանության ներկայացուցիչ Անգելիկա Իսրաելսոն Սիլֆվերը։
Տաթև Ֆռանգյան
