07.10.2026 | 23:48
Արթուր Դանիելյանը կալանավորվեց
Սադրանքներ այսօրվա ցույցի ժամանակ` ոստիկանության կանխատեսումը. Լուրեր
Քաղաքականություն
03.03.2021 | 15:08
Ոստիկանությունը հայտարարել է, որ իրենց ստացած տվյալներով՝ այսօր ժամը 16.00-ին նախատեսված հանրահավաքի ժամանակ հնարավոր են սադրանքներ։ Ոստիկանությունը կոչ է անում զանգվածային միջոցառումներն իրականացնել բացառապես օրենքի շրջանակներում, զերծ մնալ հակաիրավական քայլերից ու չտրվել սադրանքների։
—
ՊԵԿ մաքսանենգության դեմ պայքարի վարչությունը վերջին 7 տարում Հայաստանով թմրանյութի տեղափոխման խոշորագույն դեպքն է բացահայտել: Երևանի մաքսային պահեստներից մեկում որպես խմորիչ հայտարարագրված բեռի մեջ հայտնաբերվել է հերոինի 33 արկղ։ Փաթեթավորման հետ միասին շուրջ 365 կիլոգրամ կշռող հերոինի շուկայական արժեքը մոտ 45 մլն ԱՄՆ դոլար է: Հարուցված քրեական գործով 6 մարդ ձերբակալվել է։
—
Ազգային ժողովի այսօր ընդունած նախագծով նախատեսվում է, որ Պետական եկամուտների կոմիտեի աշխատակիցները զենք կրելու և օգտագործելու իրավունք կստանան։ Առաջին հերթին զենք կտրվի ՊԵԿ այն աշխատակիցներին, որոնք զբաղվում են մաքսանենգության դեմ պայքարով։
—
Բարձրագույն դատական խորհրդի նախագահ Ռուբեն Վարդազարյանը հրաժարականի մտադրություն չունի: Այս մասին նա ասել է ԱԺ-ում լրագրողների հետ զրույցում: Նա նաև նշել է, որ իմքայլական պատգամավորները իր նկատմամբ ագրեսիվ են, ինչի պատճառը ինքը չգիտի։
