31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Թեժ բանավեճ ԱԺ-ում, ոստիկանության պարզաբանումը անձնագրում «Ադրբեջան» նշման մասին. Լուրեր
Քաղաքականություն
03.03.2021 | 12:51
Ազգային ժողովի պատգամավորները այսօր շարունակել են հարցեր ուղղել ԲԴԽ նախագահ Ռուբեն Վարդազարյանին՝ նրա նախկինում արած հայտարարության վերաբերյալ։ Վարդազարյանը նշել է, որ խորհրդարանում է Վճռաբեկ դատարանի դատավորներին առաջադրելու համար։ ԲԴԽ-ն հաշվետու չէ ԱԺ-ին, և ինքը պարտավոր չէ պատասխանել քաղաքական հարցերին, ասել է Վարդազարյանը։
Քննարկման մթնոլորտը թեժացել է, երբ ԲՀԿ խմբակցությունից դուրս եկած պատգամավոր Գևորգ Պետրոսյանը բողոքել է, որ իշխանական պատգամավորները շեղվում օրակարգից։ ԱԺ փոխնախագահ Ալեն Սիմոնյանը նրան կոչ է արել տեղից չխոսել։
—
Արցախի փրկարար ջոկատները զոհված զինծառայողների աճյունների, ինչպես նաև անհետ կորած զինծառայողների որոնման աշխատանքներն այսօր 3 ջոկատով իրականացնում են Արցախի վերահսկողությունից դուրս գտնվող Հադրութի շրջանում և Քաշաթաղի շրջանի հարավային թևում: Որոնումները սկսվել են ավելի քան մեկ շաբաթ տևած դադարից հետո։
—
Ինչպես է ստացվել, որ Մարտակերտում ծնված մարդու անձնագրում որպես ծննդավայր է նշվել Ադրբեջանը։ Այս մասին ահազանդը եղավ սոցցանցերում։ Այսօր ոստիկանությունը հայտարարություն է տարածել, որ եթե անձը, ՀՀ քաղաքացու անձնագիրը ձեռք է բերում՝ ներկայացնելով համապատասխան փաստաթուղթ, որում ծննդավայրը նշված է «Ադրբեջանի ԽՍՀ», ապա նրա անձնագրում նշվում է «Ադրբեջան»։
