01.08.2026 | 19:54
«Ուժեղ Հայաստան» խմբակցության ղեկավար է ընտրվել Նարեկ Կարապետյանը, խմբակցության քարտուղար՝ Տիգրան Աբրահամյանը
Ռուս խաղաղապահները շուրջ 25 հազար պայթյունավտանգ առարկա են վնասազերծել Լեռնային Ղարաբաղում
Քաղաքականություն
03.03.2021 | 13:31
Ռուսաստանի խաղաղապահ զորակազմի մարդասիրական ականազերծող անձնակազմը շարունակում է Լեռնային Ղարաբաղի տարածքը պայթուցիկ առարկաներից մաքրելու աշխատանքները։ Այս մասին հայտնում են ՌԴ ՊՆ-ից։
Մարտակերտի շրջանում ռուս սակրավորները վնասազերծել են ավելի քան 30 152 մմ տրամաչափով բեկորա-ֆուգասային հրետանային արկեր:
Ընդհանուր առմամբ 2020 թվականի նոյեմբերի 23-ից մինչ օրս չպայթած զինամթերքից մաքրվել է 1548 հա տարածք, 484 կմ ճանապարհ, 1524 շենք-շինություն, այդ թվում նաև 30 սոցիալական նշանակության օբյեկտներ, հայտնաբերվել ու վնասազերծվել է 24 996 պայթյունավտանգ առարկա։
Հայտնաբերված պայթյունավտանգ առարկաները տեղափոխվել ու ոչնչացվել են հատուկ կահավորված հրաձգարանում։ Զինամթերքը, որը հնարավոր չէ տարհանել, ոչնչացվում է տեղում՝ անվտանգության բոլոր կանոնների պահպանմամբ։
Տաթև Ֆռանգյան
