13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Թույլ տվեք՝ ես որոշեմ, թե իմ ժամանակը որքան է ազատ. ՊԵԿ նախագահը՝ հանրահավաքին ներկա գտնվելու մասին
Քաղաքականություն
02.03.2021 | 13:11
Չի եղել որևէ դեպք, որ ինքը կամ իր գիտությամբ ՊԵԿ որևէ պաշտոնյա աշխատակիցներին հանձնարարել է գնալ վարչապետի հրավիրած հանրահավաքին: Այդ մասին խորհրդարանում լրագրողների հետ ճեպազրույցում վստահեցրեց ՊԵԿ նախագահ Էդվարդ Հովհաննիսյանը:
«Աշխատանքից հետո աշխատողները կգնան հանրահավաքին, թե չեն գնա, դա իրենց գործն է: Ամեն դեպքում իմ կողմից և որևէ ՊԵԿ պաշտոնյայի կողմից որևէ ցուցում կամ հորդոր չի եղել ոչ մեկին ցույցին մասնակցելու կամ չմասնակցելու»,- նշեց ՊԵԿ նախագահը:
ՊԵԿ նախագահը վստահեցրեց, որ իր՝ հավաքին ներկա չլինելու դեպքում ինքը խնդիրներ չէր ունենա: «Ի՞նչ եք կարծում, ինչ-որ մեկը ինձ հանձնարարե՞լ է հավաքին ներկա գտնվել: Ո՛չ»,- նշեց պաշտոնյան:
«Թույլ տվեք՝ ես որոշեմ, թե իմ ժամանակը որքան է ազատ»,- նշեց ՊԵԿ նախագահը՝ անդրադառնալով հարցին, թե արդյոք այդքան ազատ ժամանակ ունի, որ մասնակցել է հանրահավաքին:
Մանրամասները՝ տեսանյութում:
