01.08.2026 | 19:09
ՔԿ ծառայությունն ու ՄԻՊ նկայացուցիչները քննարկել են ազատազրկվածների պահման պայմանների բարելավումը
Ձեզ տնտեսական ոստիկանապե՞տ եք հռչակել. Թագուհի Թովմասյանը՝ Գեղամ Գևորգյանին. ՏԵՍԱՆՅՈՒԹ
Քաղաքականություն
02.03.2021 | 12:58
«Հանձնաժողովի կողմից իրականացվող վարույթների ընթացակարգերի մանրամասն նկարագրությունը և այլն որոշակիորեն փոխում են տնտեսական մրցակցության պաշտպանության պետական քաղաքականության հայեցակարգը։ Այն տնտեսության քաղաքականության մշակման և տնտեսական մրցակցության կանխարգելիչ ինստիտուտի հայեցակարգերից փոխվում է այսպես ասած տնտեսական ոստիկանության հայեցակարգի»,- այս մասին, այսօր՝ մարտի 2-ին, ԱԺ-ում հայտարարեց պատգամավոր Թագուհի Թովմասյանը:
Դիմելով ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանին՝ Թովմասյանը նշեց. «Այսինքն՝ ստացվում է, պարոն Գևորգյան, որ մեր երկրում ձևավորում է նոր ուժային կառույց՝ ի դեմս ձեր կառույցի՞։ Այսինքն՝ դուք ձեզ հռչակել եք տնտեսական ոստիկանապետ, և սա առաջացրել է որոշակի գործարար շրջանակների անհանգստությունը։
Ես կուզեի իմանալ, թե ինչ նպատակ է հետապնդում նախագիծը, որովհետև կարելի է այստեղ խոսել դրական փոփոխությունների և նպատակների մասին, բայց իրականում օրենքը ծառայեցնել որպես մահակ»։
Մանրամասները՝ տեսանյութում:
