13.05.2024 | 17:45
Որ դեպքում ընդդիմությունը կկարողանա հասնել Նիկոլ Փաշինյանի հրաժարականին
Ապօրինի որսի փաստով լուսանկարում պատկերված անձը ոստիկանության ծառայող չէ. պարզաբանում
31.01.2018 | 15:39
www.econews.am կայքում հրապարակված հոդվածում ապօրինի որսի փաստով զետեղված լուսանկարներում պատկերված անձը ՀՀ ոստիկանության ծառայող չէ, հայտնում են ՀՀ ոստիկանության լրատվական ծառայությունից՝ անդրադառնալով «www.econews.am» կայքում հրապարակված «Հերթական «անխիղճ որսորդը» Ոստիկանության ծառայող է» վերտառությամբ հոդվածին։
«Հունվարի 30-ին «www.econews.am» կայքում հրապարակվել է «Հերթական «անխիղճ որսորդը» Ոստիկանության ծառայող է» վերտառությամբ հոդվածը, որտեղ զետեղված են համացանցի մի օգտատիրոջ անհատական էջից արտատպված սպանված կենդանիների լուսանկարներ:
Հրապարակման հիման վրա ոստիկանության կազմակերպված հանցավորության դեմ պայքարի գլխավոր վարչությունում նախապատրաստվել են նյութեր, որի արդյունքում ճշտվել է լուսանկարում պատկերված անձի ինքնությունը: Նա հայտնաբերվել ու տվել է բացատրություն:
Տեղեկացնենք, որ նշված անձը ՀՀ ոստիկանության ծառայող չէ. 2012 թ. դեկտեմբերի 25-ին նա ազատվել է ոստիկանությունում ծառայությունից` անձնական նախաձեռնությամբ», – ասված է ոստիկանության պարզաբանման մեջ։
