17.09.2026 | 21:00
2,6 մլն՝ Փաշինյանին, 2,1 մլն՝ նախարարներին․ զգալի կբարձրանա պաշտոնայների աշխատավարձը. ՏԵՍԱՆՅՈՒԹ
Ցանկացած կոմպրոմիսի պատրաստ ենք, ցրեք խորհրդարանը, գնանք ընտրության. Էդմոն Մարուքյան. ՏԵՍԱՆՅՈՒԹ
Քաղաքականություն
01.03.2021 | 15:52
Իշխանությունն արտահերթ ընտրության չի ուզում գնալ, քանի որ գիտեն՝ պարտվելու են: Այս մասին ԱԺ-ում լրագրողների հետ զրույցում նշեց «Լուսավոր Հայաստան» խմբակցության ղեկավար Էդմոն Մարուքյանը: Նա ընդգծեց, որ իշխանությունն ամենօրյա ռեժիմով պատրվակ է փնտրում ընտրությունը վիժեցնելու համար:
«Նրանք ուզում են որքան կարող են երկիրն էս ձևով պահել, իրենց օպոնենտներին նստացնել, բանտերը լցնել էդ մարդկանցով, հետո կկազմակերպել ընտրություններ, կամ էլ՝ չէ: Բայց քանի որ պոտենցիալ կոմպետենտություն չունեն՝ անգամ ռեպրեսիաներ անելու, դա էլ իրենց մոտ չի ստացվում: Հետևաբար, տակը մնացել է էս «ղալմաղալը», իրենց կարող են միայն «ղալմաղալ» անել, երկիրը քաոսի վերածել»,- նշեց ԼՀԿ ղեկավարը:
«Թող բանակին հանգիստ թողնեն… Մենք ցանկացած կոմպրոմիսի պատրաստ ենք, ցրեք խորհրդարանը, գնանք ընտրության: Ինչ ուզի՝ պատրաստ եմ, ցանկացած հուշագիր ստորագրում եմ՝ կցրի՞ Փաշինյանը: Իրենց փաստարկները պատրվակներ են՝ առանց նախապայմանների, նախապայմաններով… Առանց նախապայմանների կցրի՞ խորհրդարանը», – ասաց Մարուքյանը:
Մարուքյանն ընդգծեց, որ համաձայն է հակասահմանադրական քայլ անել, եթե բանակին հանգիստ թողնեն, որովհետև դա հղի է ցնցումներով:
Մանրամասները՝ տեսանյութում:
