24.04.2026 | 23:32
Կապանում ջրանջատում կլինի
Եթե բանակի դեմ քայլեր ենք անում, ո՞վ է մեր անվտանգությունը երաշխավորելու. Թագուհի Թովմասյան. ՏԵՍԱՆՅՈՒԹ
Քաղաքականություն
01.03.2021 | 15:49
«Դա տրամաբանական լուծում է: Ընդունելի և քննարկելի տարբերակ է»,- այս մասին այսօր լրագրողների հետ զրույցում ասաց ԱԺ պատգամավոր Թագուհի Թովմասյանը՝ անդրադառնալով «Լուսավոր Հայաստան» խմբակցության ղեկավար Էդմոն Մարուքյանի առաջարկին՝ նախագահի աշխատակազմից հետ վերցնել ԳՇ պետ Օնիկ Գասպարյանին ազատելու վարչապետի առաջարկը, բացի դրանից՝ վերանշանակել ԳՇ պետի տեղակալի պաշտոնում Տիրան Խաչատրյանին, դրա փոխարեն ԼՀԿ-ն պատրաստ է վարչապետ չառաջադրելու հարցով հուշագիր ստորագրել իշխանության հետ։
«Մարուքյանը իրավիճակի հանգուցալուծում է առաջարկում, հիմա մենք եթե սա մերժում ենք, ի՞նչ ենք առաջարկում փոխարենը»,- նշեց Թովմասյանը:
«Ես մինչև հիմա գիտեմ, որ Օնիկ Գասպարյանը պարկեշտ զինվորական է, պրոֆեսիոնալ է, կադրային բոլոր աստիճանակարգերով բարձրացած, «ուղնուծուծով» զինվորական է: Հիմա ի՞նչ եղավ, որ էս մարդը մերժելի դարձավ: Այդ հարցի պատասխանը չունեմ: Թող էդ հարցի պատասխանը հնչի, որ հասկանանք՝ Օնիկ Գասպարյանին, ի վերջո, կամակորության հետևանքո՞վ ենք ուզում գնա, թե՞ հստակ պատճառ կա»,- նշեց պատգամավորը:
Նա նաև ընդգծեց, որ բանակը ամենակարևոր հենասյունն է. «Եվ եթե բանակի դեմ քայլեր ենք անում, եթե հիմա բանակի թևերը կտրում ենք, բանակը ջլատում ենք այս ամեն ինչով, ո՞վ է մեր անվտանգությունը երաշխավորելու»:
Մանրամասները՝ տեսանյութում:
