16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Սարքած վիդեոներ են. Հայկ Սարգսյանը՝ պաշտոնյաներին հանրահավաքից առաջ հեռախոսով հրահանգներ տալու մասին. ՏԵՍԱՆՅՈՒԹ
Քաղաքականություն
01.03.2021 | 13:00
Երբևէ իշխանությունը որևէ քաղաքացու չի բերել հանրահավաքի, առավել ևս՝ այսօր: Այս մասին խորհրդարանում լրագրողների հետ ճեպազրույցում նշեց ԱԺ «Իմ քայլը» խմբակցության պատգամավոր Հայկ Սարգսյանը՝ անդրադառնալով մամուլում շրջանառվող տեղեկատվությանը, թե պաշտոնյաները հեռախոսով հրահանգներ են տալիս՝ մարդկանց մարզերից ստիպողաբար բերելու, որ մասնակցեն հանրահավաքին:
«Հայտարարել ենք, որ Մարտի 1-ի զոհերի հիշատակին նվիրված միջոցառում ենք կազմակերպելու Հանրապետության հրապարակում, որին հետևելու է նաև երթ, և մեր քաղաքացիները մեծ ցանկություն են հայտնել ու տարբեր մարզերից կազմակերպվում, ինքնակազմակերպվում ու գալիս են Երևան:
Բազմաթիվ վիդեոներ եմ տեսել, որոնք, իմ կարծիքով, կեղծ են»,- նշեց Սարգսյանը:
Մանրամասները՝ տեսանյութում:
Մակունցի խոսքով՝ իրենք նշել են, որ արտահերթ ընտրությունների մասով պատրաստ են գործնական քայլերի:
«Մենք ընդունում ենք Էդմոն Մարուքյանի առաջարկության երկրորդ հատվածը և պատրաստ ենք ցանկացած պահի»,- այս մասին ԱԺ-ում լրագրողների հետ ճեպազրույցում նշեց «Իմ քայլը» խմբակցության ղեկավար Լիլիթ Մակունցը՝ անդրադառնալով խորհրդարանը լուծարելու և արտահերթ ընտրությունների գնալու վերաբերյալ «Լուսավոր Հայաստան» խմբակցության ղեկավար Էդմոն Մարուքյանի առաջարկին:
Էդմոն Մարուքյանը երեկ նաև առաջարկել էր նախագահի աշխատակազմից հետ վերցնել ԳՇ պետ Օնիկ Գասպարյանին ազատելու վարչապետի առաջարկը, բացի դրանից՝ վերանշանակել ԳՇ պետի տեղակալի պաշտոնում Տիրան Խաչատրյանին։ Իսկ դրա փոխարեն ԼՀԿ-ն պատրաստ է վարչապետ չառաջադրելու հարցով հուշագիր ստորագրել իշխանության հետ։
Անդրադառնալով Մարուքյանի այդ առաջարկին՝ «Իմ քայլը» խմբակցության ղեկավարը նշեց, թե այն քննարկման ենթակա չէ: «Կա Սահմանադրություն, և մենք՝ որպես պատգամավորներ, պետք է պատասխանատու լինենք այդ Սահմանադրության իրականացմանը և որևէ կերպ չնպաստենք Սահմանադրության խախտմանը: Տեղի է ունեցել Սահմանադրության խախտում»,- նշեց Մակունցը:
