08.10.2026 | 11:33
Դատախազությունը պահանջում է ազատել Աբովյան 8/1-ի անշարժ գույքը ընկերության ապօրինի տիրապետումից
Նախագահին ասացի՝ եթե իշխանության գործելաոճն այսպես շարունակվի, ռադիկալացումն անխուսափելի է. Աբովյան. ՏԵՍԱՆՅՈՒԹ
Քաղաքականություն
26.02.2021 | 17:39
«Այսօր ՀՀ նախագահ Արմեն Սարգսյանի հետ հանդիպման ժամանակ խոսակցությունը վերաբերել է ներքաղաքական իրավիճակին, մեր տեսլականին և նախագահի տեսլականին»,- այս մասին Factor.am-ի հետ զրույցում տեղեկացրեց ԲՀԿ խմբակցության պատգամավոր Արման Աբովյանը:
Պատգամավորը հավելեց, որ ԲՀԿ դիրքորոշումը չի փոխվել. իշխանությունը պետք է հեռանա: «Պետք է ամեն ինչ անել, որ իրավիճակը ապաէսկալացվի, իսկ դրա միակ տարբերակը իշխանությունների անհապաղ հեռանալն է»:
«Տեղի ունեցողը դասական քաղաքական՝ ընդդիմություն-իշխանություն պայքար չէ, հայ ազգը իշխանությանն ասում է՝ դու մեզ խաբել ես, չես արդարացրել մեր սպասումները, ավելին՝ թուրքին հասցրել ես Հայաստանի դուռը, հեռացի՛ր»,- նշեց Աբովյանը՝ հավելելով, որ Փաշինյանի աջակիցների թիվը 50 անգամ նվազել է:
«Կարծում եմ՝ նախագահի հանդիպման նպատակը քաղաքական ուժերին լսելն էր, հասկանալը՝ արդյո՞ք ավելի ռադիկալ է դառնում իրավիճակը: Նախագահին ես ասացի, որ եթե իշխանության գործելաոճն այսպես շարունակվի, ռադիկալացումն անխուսափելի է՝ իշխանության կողմից: Իշխանությունը պետք է հեռանա, բայց իրենք տանում են ցնցումների»,- ասաց պատգամավորը:
Մանրամասները՝ տեսանյութում:
