24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Գլխավոր շտաբում դանակը հասել էր ոսկորին, ռազմական հեղաշրջման խնդիր չկա. Միքայել Մելքումյան. ՏԵՍԱՆՅՈՒԹ
Քաղաքականություն
25.02.2021 | 17:42
«Այսօրվա արտահերթ նիստ հրավիրելու շարժառիթն այն էր, որ երկրում ստեղծվել է այնպիսի մի իրավիճակ, որ անպայման հանգուցալուծում է սպասում»,- այսօր խորհրդարանում լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Միքայել Մելքումյանը։
Նրա խոսքով՝ այսօր արտահերթ նիստ էին նախաձեռնել ռազմական դրությունը չեղարկելու և ստեղծված իրավիճակը քննարկելու օրակարգով, սակայն իրենք 17։30 եկել էին խորհրդի նիստի, բայց խորհրդի սենյակի դուռը փակ է, ինչը նշանակում է, որ իշխանությունը հոգեվարքի մեջ է։
Միքայել Մելքումյանի կարծիքով, ճգնաժամ առաջացրած ղեկավարը չի կարող այս անցումային փուլում վարչապետ մնալ։ «Դրա համար էլ մենք ասում ենք՝ եղբայր, հրաժարական տուր, թող Սահմանադրությունն աշխատի, 2 շաբաթում ամեն բան պարզ կդառնա»,- նշեց պատգամավորը։
Անդրադառնալով ԳՇ հայտարարությանը, որը Նիկոլ Փաշինյանը համարեց ռազմական հեղաշրջման փորձ, Մարուքյանը նշեց. «Ռազմական հեղաշրջման խնդիր չկա. Գլխավոր շտաբում դանակը հասել էր ոսկորին»:
Մանրամասները՝ տեսանյութում:
