Ռազմական խունտայի հաստատման վտանգ կա, բախումներ կարող են լինել․ Նինա Կարապետյանց. ՏԵՍԱՆՅՈՒԹ

Factor TV-ի հարցազրույցը իրավապաշտպան Նինա Կարապետյանցի հետ

-Տիկի՛ն Կարապետյանց, ՀՀ ԶՈՒ Գլխավոր շտաբը Նիկոլ Փաշինյանի հրաժարականն է պահանջում։ Վարչապետն իր համակիրներին հրավիրել էր հանրահավաքի Հանրապետության հրապարակ, ընդդիմությունն իր աջակիցներին՝ Ազատության հրապարակ, որտեղ կրկին հավաք էր։ Ձեր ընկալմամբ՝ ի՞նչ է տեղի ունենում։

-Այն, ինչ մենք տեսանք բոլորս, ոչ այլ ինչ էր, քան ռազմական հեղաշրջման փորձ, որի մասին բոլորս անհնագստություն ունեինք։

-Ինչի՞ց էր գալիս ռազմական մոտալուտ հեղաշրջման զգացողությունը։

-Որովհետև ցավոք սրտի, չիրականացվեց վեթինգ և լյուստրացիա և բոլոր համակարգերում մնացին այն մարդիկ, որոնք ունակ էին շատ-շատ գործողությունների, մարդիկ, որոնք «Մարտի 1» ու «Հոկտեմբերի 27» էին մարսել, ովքեր Երևան զորք բերելու հնարավորություն են ունեցել, ովքեր բազմաթիվ այլ գործողություններ էին մարսել և այսօր իրենց հռչակել են որպես բևեռ և իրենց գործողությունները հուշում էին, որ փորձելու են իրենց ռեսուրսները, այդ թվում՝ ՊՆ-ում, Ոստիկանությունում, ԱԱԾ-ում գեներացնել և որպես արդյունք ստանալ հեղաշրջում։

-Ռազմական խունտայի հաստատման վտանգ տեսնո՞ւմ եք։

-Բոլորովին չեմ բացառում ռազմական խունտայի հաստատման վտանգը։ Այսօրվա Հայաստանի վիճակը չափից դուրս լարված է և անկառավարելի։ Էս լարվածության պատճառներից մեկն էլ այն է, որ երկու կողմն էլ՝ հանցավոր ռեժիմը և գործող իշխանությունը, տիեզերական մասշտաբի մանիպուլյացիաների են գնում։ Իրենք ստեղծել են պատրանք՝ իբր կա Հայաստանում երկու ուժ՝ Նիկոլ Փաշինյանն ու իր թիմակիցները կամ մերժվածներն են։  Այս պայմաններում է, որ հնարավոր է լինում աննկարագրելի մանիպուլյացիա իրականացնել։

Հարցազրույցն ամբողջությամբ՝ տեսանյութում։

Ռոբերտ Անանյան