26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Այսօրվանից վերջ թավիշին. Նիկոլ Փաշինյան. ՏԵՍԱՆՅՈՒԹ
Քաղաքականություն
25.02.2021 | 16:59
Հայաստանի Հանրապետության վարչապետ Նիկոլ Փաշինյանը բոլոր քաղաքական ուժերին կոչ արեց դադարեցնել բոլոր ակցիաները, անհնազանդության դրսևորումները և կոնսուլտացիաներ սկսել իրավիճակը հանգուցալուծելու վերաբերյալ: Նիկոլ Փաշինյանն այդ մասին ասաց Հանրապետության հրապարակում հրավիրված հանրահավաքի ընթացքում ունեցած ելույթում:
«Ես ակնկալում եմ, որ Հայաստանի Հանրապետության նախագահը ստորագրում է զինված ուժերի գլխավոր շտաբի պետ Օնիկ Գասպարյանին ազատելու հրամանագիրը կամ Օնիկ Գասպարյանը ինքը հայտարարում է հրաժարականի մասին, և քաղաքական ուժերի հետ ես կոնսուլտացիաներ կսկսեմ, թե ոնց ենք այս իրավիճակը հանգուցալուծում»,- ասաց Փաշինյանը:
Փաշինյանն ընդգծեց, որ պատրաստ է կոնսուլտացիաների նաև իշխանության հասցեին ամենասուր քննադատությունը հնչեցնող քաղաքական ուժերի հետ:
Նա նաև ընդգծեց, որ վերջ է դրվելու թավիշին: «Իսկ դա նշանակում է օրինականության միարժեք հաստատում… Այսօրվանից վերջ թավիշին»:
Մանրամասները՝ տեսանյութում:
