23.11.2024 | 11:23
Արտարժույթների փոխարժեքները՝ նոյեմբերի 23-ի դրությամբ
Սա հեղաշրջում չէ, սա բանակի միանալն է ժողովրդին. Սեյրան Օհանյան. ՏԵՍԱՆՅՈՒԹ
Քաղաքականություն
25.02.2021 | 15:46
«Մեր նպատակները մեծ են և մենք քայլ առ քայլ գնում ենք դեպի հաղթանակ: Այս մասին, այսօր՝ փետրվարի 25-ին, Ազատության հրապարակում մեկնարկած հանրահավաքի ժամանակ հայտարարեց պաշտպանության նախկին նախարար Սեյրան Օհնյանը:
«Այնտեղ, որտեղ բնակն ու ժողովուրդը միասնական են, նրանք անպարտելի են: Այս պատերազմի ընթացքում որոշ ժամանակահատվածներում բանակը միայնակ էր մնացել: Մեզ համար հասկանալի է, որ այս ամենը արդյունք է ոչ լիարժեք, անգրագետ, ապիկար կառավարման: Այս իշխանությունները և կառավարության ղեկին նստած անձնավորությունը կառավարման որևէ հատկանիշ չունի: Նրա կառավարման հատկանիշների արդյունքում է, որ բանակը պատերազմի ժամանակ մնաց միայնակ: Մեր ամբողջ պատմության ընթացքում մեր կողքին կարմիր թելով անցել է մի շատ կարևոր առանձնահատկություն, որ վտանգի պահին մենք միասնական ենք: Այս պատերազմի ժամանակ այս իշխանությունը այդ առանձնահատկությունը հիմնովին ոչնչացրին»,-հայտարարեց Օհանյանը:
«Հանրապետության հրապարակում Նիկոլ Փաշինյանն իր կողքին է հավաքում իր համախոհներին. «Ես որևէ մեկին չեմ մեղադրում իրենց տեսակետների համար, բայց ինչո՞ւ այդ նույն բանը չարեց պատերազմի ժամանակ վարչապետը: Որովհետև իրեն դա պետք չէր: Իրեն բանակն ու ժողովուրդը պետք են միայն ինքնագովազդով զբաղվելու համար»:
Անդրադառնալով ԳՇ հայտարարությանը՝ Օհանյանը հայտարարեց, թե սա ԳՇ-ի կողմից հեղաշրջում չէ, այլ բանակը միացել է իր ժողովրդին:
Մանրամասները՝ տեսանյութում:
