30.06.2026 | 21:37
Ինչու Ալեն Սիմոնյանը չէր մասնակցում ՔՊ վարչության նիստին
Հայտնի են ՊՊԾ գունդը գրավածների պատժաչափերը, Իսկանդերի թեմայով Փաշինյանին պատասխան Մոսկվայից․ Լուրեր
Քաղաքականություն
24.02.2021 | 15:00
ՊՊԾ գնդի գրավման գործով այսօր դատարանը հրապարակել է վճիռը։ Գրավմանը մասնակցած խմբի անդամների մեծ մասը դատապարտվել է 7-10 տարի ազատազրկման, իսկ Սմբատ Բարսեղյանը՝ 25 տարի ազատազրկման։ Խմբի անդամներն առաջադրված մեղադրանքները չեն ընդունում։ Խմբի անդամներից Արմեն Բիլյանը ոստիկանի սպանության համար մեղավոր չի ճանաչվել, նրան նշանակվել է 4 տարի ազատազրկում։
—
Պաշտպանության նախարարությունը պարզաբանում է տարածել զորամասերից մեկում եղած միջադեպի վերաբերյալ, երբ զինծառայողները չեն ենթարկվել հրամանատարության հրահանգներին։ ՊՆ հայտարարության համաձայն՝ մի խումբ զինծառայողների հարազատներ փորձել են խոչընդոտել արձակուրդից զինծառայողների վերադարձն իրենց զորամասեր։
Զորամասի տարածքում տեղի է ունեցել անկարգություն, որի ընթացքում մի խումբ զինվորներ, դրսում հավաքված ծնողների դրդմամբ, հրաժարվել են մեկնել իրենց զորամասեր, իսկ մի քանիսն էլ, օգտվելով ստեղծված իրավիճակից, ինքնակամ լքել են զորամասի տարածքը։ Զորամասի հրամանատարության կողմից նշանակվել է ծառայողական քննություն։
—
«Իսկանդերի» մասին վարչապետ Նիկոլ Փաշինյանի հայտարարությունը պետք է ուսումնասիրվի։ Այս մասին հայտարարել է ԱԺ պաշտպանության և անվտանգության հարցերի հանձնաժողովի ղեկավար Անդրանիկ Քոչարյանը։ Նա ասել է, որ ապագայում ձեռքբերելիք սպառազինությունը և պահանջները պետք է խիստ վերահսկղության տակ լինեն։
—
ՊԵԿ նախագահ Էդվարդ Հովհաննիսյանը այսօր լրագրողների հարցերին պատասխանելիս ասել է, որ կոռուպցիոն ռիսկեր չեն տեսել զրահաբաճկոնների ներմուծման գործընթացում։ Անդրադառնալով երրորդ նախագահ Սերժ Սարգսյանի այն խոսքերին, որ դրանք գնվել են եռակի թանկ գնով՝ Հավհաննիսյանը ասել է, որ գաղտնիության պատճառով չի կարող հանրային անդրադառնալ հարցին։
—
