19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Փաշինյանի հայտարարությունը «Իսկանդերի» մասին պետք է ուսումնասիրվի. Անդրանիկ Քոչարյան. ՏԵՍԱՆՅՈՒԹ
Քաղաքականություն
24.02.2021 | 11:55
«Հրանտ Բագրատյանը խոսում է ինչ-որ բաների մասին, որ վաղն օգտագործվելու է ՀՀ-ի դեմ։ Այդպիսի դրսևորում են ցուցաբերում նաև շատ այլ պաշտոնյաներ, այդ թվում Սերժ Սարգսյանը։ «Իսկանդերի» թեման բացեց Սերժ Սարգսյանը, ինչն անթույլատրելի էր։ Ես որևէ նման կրակոցի հաստատման կամ չհաստատման մասին չեմ խոսի»,-այս մասին լրագրողների հետ զրույցում ասաց Ազգային ժողովի Պաշտպանության և անվտանգության հարցերի մշտական հանձնաժողովի նախագահ, «Իմ քայլը» խմբակցության պատգամավոր Անդրանիկ Քոչարյանը՝ անդրադառնալով ՀՀ վարչապետ Նիկոլ Փաշինյանի արձագանքին Սերժ Սարգսյանի՝ «Իսկանդերի» մասին հայտարարությանը:
«Իսկանդերը» աշխատո՞ղ է, թե ո՞չ. հանրապետության վարչապետի հնչեցրած տեսակետն ուսումնասիրման կարիք ունի:
Ինձ էլ է հետաքրքրում՝ մեր վերջին գոնե 15 տարվա սպառազինության ձեռքբերումները ճի՞շտ են եղել, թե՞ սխալ, աշխատո՞ղ են, թե՞ ոչ: Պատեկերացնու՞մ եք՝ եթե պարոն Փաշինյանի կասկածները ճիշտ դուրս գան: Նշանակում է՝ ամեն ինչ պետք է վերանայենք, բայց վերանայել չի նշանակում անընդհատ հետ գնալ, պետք է առաջ գնալու մասին էլ մտածենք, ապագայում ձեռքբերելիք սպառազինությունը և պահանջները պետք է խիստ վերահսկղության տակ լինեն», – ասաց Քոչարյանը՝ ընդգծելով, որ այդտեղ իրենց հանձնաժողովը լուրջ անելիք ունի, և վերահսկողությունը պետք է ավելին լինի, քան մինչ այժմ:
Հարցին՝ մինչ պատերազմը հայտնի չէ՞ր, որ Իսկանդերը խնդիրներ ունի, Անդրանիկ Քոչարյանը նկատեց՝ Սերժ Սարգսյանի համար պետք է հայտնի լիներ․
«Մեր զորքերի պատասխանատուների համար պետք է հայտնի լիներ, որովհետև առնելուց նաև ստուգման մեխանիզմներ կան, թե ինչ ենք առնում»։
Մանրամասները՝ տեսանյութում:
