05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
ՀՀ օդանավը առևանգվե՞լ է, թե՞ այլ բան․ քաղավիացիայի բացատրությունը․ Լուրեր
Քաղաքականություն
23.02.2021 | 14:37
Ոստիկանությունը 51 մարդ է բերման ենթարկել Կառավարության մասնաշենքի մոտ ընդդիմության անցկացրած ցույցից։ Այս մասին հայտնել են ոստիկանությունից։ Ոստիկանությունը փորձել է բերման ենթարկել նաև ՀՅԴ ներկայացուցիչ Իշխան Սաղաթելյանին, որի շրթունքը վնասվել է այդ ընթացքում։
Ընդդիմության հանրահավաքը կազմակերպված էր այդ շենքի առջև, քանի որ այնտեղ էր այցելելու վարչապետ Նիկոլ Փաշինյանը։ Վերջինս ոստիկանության ուղեկցությամբ կարողացել է մտնել շենք։
Ցույցի կազմակերպիչներից ՀՅԴ ներկայացուցիչ Գեղամ Մանուկյանն էլ նշել է, որ այսպես է լինելու ամեն օր, ու իշխանությունն ստիպված է լինելու իրենց շրջապատել ոստիկանական ուժերով իր իշխանությունը պահելու համա
—
Ազգային ժողովում ընդդիմության հայտարարություններին պատասխանել է խորհրդարանի փոխխոսնակ, իմքայլական պատգամավոր Ալեն Սիմոնյանը։ Նրա խոսքով՝ ընդդիմությունը գիտի, որ նոր ընտրության դեպքում իշխող ուժը կրկին հաղթանակ կտանի։
—
Դեռևս չպարզված հանգամանքներում, Հայաստանում գրանցված՝ ամերիկյան արտադրության Boeing 737 ինքնաթիռ է հայտնվել Իրանում։ Այդ մասին ֆեյսբուքյան էջում գրել է միջազգայնագետ Սուրեն Սարգսյանը։ Վարչապետ Նիկոլ Փաշինյանի նախկին խորհրդական Հակոբ Ճաղարյանը ևս անդրադարձել է հարցին՝ նշելով, որ oդանավը թռիչք է կատարել Էստոնական Տալլինից, և, ըստ պլանի, պետք է վայրէջք կատարեր Երևանում, սակայն, ի վերջո հայտնվել է Թեհրանում։ Նա հարցադրում է արել՝ հայկական օդանավի առևանգու՞մ, հերթական խաբեությու՞ն, թե՞ պրոֆեսիոնալ անճարակություն ՀՀ քաղաքացիական ավիացիայում։
Քաղավիացիայի կոմիտեն այս առիթով հայտարարություն է տարածել ու նշել, որ առևանգման մասին տեղեկություն չեն ստացել։ Ըստ կոմիտեի՝ Կոմիտեն տեղյակ է օդանավի գտնվելու վայրի մասին և ներկայումս սերտ համագործակցում է առնչվող պետությունների ավիացիոն իշխանությունների հետ: Քննության ավարտից հետո Կոմիտեն կներկայացնի լրացուցիչ տեղեկատվություն
