18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Թե ինչ կկատարվի դրսում՝ միակ պատասխանատուն իշխանություններն են. Շաքե Իսայան․ ՏԵՍԱՆՅՈՒԹ
Քաղաքականություն
22.02.2021 | 16:16
Փետրվարի 21-ի հանրահավաքը հավաստում է, որ իշխանությունը սխալվում է՝ կարծելով, թե շարժումը մարել է և իշխանությունների հրաժարականի պահանջ չկա: Այս մասին Factor.am-ի հետ զրույցում հայտարարեց «Բարգավաճ Հայաստան» խմբակցության պատգամավոր Շաքե Իսայանը:
«Հույս ունեմ՝ այս իշխանությունները կգիտակցեն, որ իրենց աթոռից թանկ պետականության հարց ունենք, կվերանայեն իրենց դիրքորոշումը և կկատարեն հրաժարականի պահանջը: Եվ որքան շուտ դա տեղի ունենա, այնքան լավ մեր երկրի համար»,- նշեց պատգամավորը:
Վազգեն Մանուկյանը հաճախ է խոսում ոչ միայն սահմանադական, այլ նաև այլ ճանապարհով՝ «զոռով» իշխանությունը վերցնելու և ապստամբության դիմելու մասին. անդրադառնալով այս դիտարկմանը և հարցին, թե ԲՀԿ-ն կո՞ղմ է այս բիրտ մեթոդներով պայքարին՝ Իսայանը նշեց. «Պայքարի հենց սկզբից՝ նոյեմբերի 9-ից սկսած, երբ խորհրդարանում ոչ առողջ իրավիճակ էր ստեղծվել, մեր խմբակցության ներկայացուցիչները կրքերը հանդարտեցնելու կոչ են արել և հայտարարել են, որ ստեղծված իրավիճակի հարցը խորհրդարանում քննարկելու և քաղաքակիրթ տարբերակով լուծումների կողմնակիցն են: Այժմ ևս մեր դիրքորոշումը չի փոխվել, մենք մշտապես ասել ենք, որ մեր երկիրն այնպիսի իրավիճակում չէ, որ նոր ցնցումների տանենք, իմ գործընկերները իշխանություններին հորդորում են երկրի ներսում ավելորդ լարվածություն չստեղծել… Պրոցեսներն անընդհատ խորհրդարանից դուրս մղելով՝ միակ պատասխանատուն իշխանություններն են, թե ինչ կկատարվի դրսում»:
Մանրամասները՝ տեսանյութում:
