08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Զախարովան՝ ԼՂ հակամարտության գոտում իրավիճակի և եռակողմ հայտարարության իրագործման մասին. ՏԵՍԱՆՅՈՒԹ
Քաղաքականություն
18.02.2021 | 18:44
Լեռնային Ղարաբաղի հակամարտության տարածքում կայուն մթնոլորտը պահպանվել է, կրակի դադարեցման ռեժիմի խախտում չի արձանագրվել, ռուսական խաղաղապահ ուժերի զինվորականները իրավիճակի վերահսկողություն են իրականացնում 27 դիրքերում, շարունակում են տարածքի մաքրումը պայթյունավտանգ առարկաներից և ապահովում են Լեռնային Ղարաբաղ փախստականների վերադարձի անվտանգությունը։ Այս մասին այսօր տեղի ունեցած ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
«Ադրբեջանի, Հայաստանի և Ռուսաստանի առաջնորդների՝ 2020 թվականի նոյեմբերի 9-ի և 2021 թվականի հունվարի 11-ի հայտարարությունների իրականացումը քննարկվել է փետրվարի 17-ին Ռուսաստանի նախագահի՝ Հայաստանի վարչապետի և ՌԴ ԱԳ նախարարի ու Ադրբեջանի ԱԳ նախարարի հեռախոսազրույցներում, նաև Մոսկվայում՝ Ռուսաստանի արտաքին գերատեսչության ղեկավար Սերգեյ Լավրովի՝ իր հայ գործընկերոջ հետ հանդիպմանը»,- ասել է Զախարովան։
ՌԴ ԱԳՆ պաշտոնական ներկայացուցիչը նշել է նաև, որ եռակողմ աշխատանքային խմբի շրջանակում շարունակվում է աշխատանքը՝ Ադրբեջանի, Հայաստանի և Ռուսաստանի փոխվարչապետերի գլխավորությամբ։ Փետրվարի 12-ին տեսակոնֆերանսի ռեժիմով տեղի է ունեցել խմբի երկրորդ հանդիպումը։
