15.07.2026 | 16:31
Ստամբուլում ռուս զբոսաշրջիկների են ձերբակալել մզկիթի վերածված Սուրբ Սոֆիայի տաճարում Աստվածաշունչ կարդալու համար
Մոսկվայում որոշել էին՝ Սերժ Սարգսյանը պետք է հեռանա և ուղարկեցին Կարեն Կարապետյանին, բայց ժողովուրդը խառնեց քարտերը․ Ժիրայր Սեֆիլյան. ՏԵՍԱՆՅՈՒԹ
Քաղաքականություն
18.02.2021 | 15:42
«Ես այն կարծիքին չեմ, որ Սերժ Սարգսյանն է որոշել, որ այսօրվա հայտնի անձնավորությունը հայտնվի իշխանության ղեկին. Սերժը որոշել էր ինքը մնալ»,- այս մասին այսօր լրագրողների հետ զրույցում նշեց Ազգային ժողովրդավարական բևեռի նախաձեռնող խմբի անդամ Ժիրայր Սեֆիլյանը՝ անդրադառնալով դիտարկմանը, որ թեև Սերժ Սարգսյանը հերքեց, որ Նիկոլ Փաշինյանն իր «պրոյեկտն» է, բայց այդ տեսակետը շարունակվում է շրջանառվել:
«2016թ. հայտնի ապստամբությունից, ՊՊԾ գնդի գրավումից հետո մոսկվաներում որոշում կայացվեց, որ Սերժ Սարգսյանը պետք է հեռանա, նրան փոխարինողին ուղարկեցին Հայաստան, դա Կարեն Կարապետյանն էր: Եվ այդ երկու տարվա ընթացքում Սերժ Սարգսյանին մոսկովյան հայտնի շրջանակներն անընդհատ հուշում էին, որ ինքը պետք է հեռանա: Նա խոստանում էր հեռանալ, բայց վերջում կատարեց իր քայլը և իր ձևավորած ԱԺ-ի կողմից ընտրվեց վարչապետ: Այնպես չէ, որ հավատացել էին, թե Սերժը իր տված խոստումը պիտի կատարեր, նրանք որոշեցին ժողովրդական ճնշմամբ Սերժին հեռացնել և բերել Կարեն Կարապետյանին, ոչ թե Նիկոլ Փաշինյանին:
Մոկվայի խաղաքարտերը խառնեց հայ ժողովուրդը. ոչ ոք չէր սպասում այդպիսի աննախադեպ՝ 100 հազար մարդու ակտիվություն, այդ հանգամանքից օգտվեց Նիկոլ Փաշինյանը, և Կարեն Կարապետյանի «պրոյեկտը» սառեցվեց:
Ուզում եմ ասել, որ այն կարծիքին չեմ, թե Սերժն է Նիկոլին բերել: Դա այլ հարց է, որ տարիներ շարունակ Սերժ Սարգսյանը ԱԺ իր ուզած համամասնությունն է ձևավորել, ինքն է որոշել, թե ընդդիմադիր շրջանակից ովքեր պետք է խորհրդարանում լինեն»,- նշեց Սեֆիլյանը:
Մանրամասները՝ տեսանյութում:
