26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Միքայել Մելքումյանը՝ ԲՀԿ-ից դուրս գալու մասին. ՏԵՍԱՆՅՈՒԹ
Քաղաքականություն
18.02.2021 | 14:21
«Ամեն քաղաքական գործիչ ինքն է որոշում իր մոտեցումը և իր որոշումն է կայացնում… Բայց պետք է հաշվի նստես նաև կուսակցական գծի հետ»,- այս մասին այսօր ԱԺ-ում լրագրողների հետ զրույցում նշեց ԲՀԿ խմբակցության պատգամավոր Միքայել Մելքումյանը՝ անդրադառնալով Գևորգ Պետրոսյանի՝ ԲՀԿ կուսակցությունը լքելու հանգամանքին: Նա նաև հավելեց, որ Պետրոսյանը համընդհանուր հարգանք է վայելել թե՛ կուսակցության անդամների, թե՛ ղեկավարի կողմից:
Անդրադառնալով դիտարկմանը, որ խոսակցություններ են շրջանառվում այն մասին, որ հաջորդը Միքայել Մելքումյանը և Նաիրա Զոհրաբյանն են պատրաստվում լքել ԲՀԿ խմբակցությունը, Մելքումյանը նշեց. «Դուք հարցը տալուց առաջ պետք է մոնիթորինգ անեք, նայեք, թե Միքայել Մելքումյանը վերջին 2-3 ամսում ինչո՞վ է զբաղվել կուսակցության մեջ, ճեպազրույցներ է տվել, օրենսդրական նախաձեռնություններ է ներկայացրել, ծրագրային քաղաքական գծով ես ԲՀԿ-ի փոխնախագահն եմ, մարզային այցելությունների եմ գնում: Ո՞նց եմ ես ԲՀԿ-ից դուրս գալիս, եթե բոլոր գործընթացների կիզակետում եմ, և երկրորդ՝ ես՝ ինքս ինձնից կարո՞ղ եմ հեռանալ: Եթե ես կուսակցությունում ոչ միայն քաղաքականություն իրականացնող եմ, այլև մշակող եմ, ես եմ մշակում նաև, ես ինքս ինձնից կարո՞ղ եմ հեռանալ: Իհարկե ոչ»:
«Սա նշանակում է, որ ինչ-որ կենտրոններ կան, որոնք շատ խիստ անհանգստացած են Միքայել Մելքումյանի հետևողական քաղաքական վարքագծով»,- նշեց Մելքումյանը:
Մանրամասները՝ տեսանյութում:
