13.01.2025 | 12:51
Ինֆորմացիայի պակասից է․ կարծում եմ՝ բավարար չափով չենք ներկայացրել․ Ավինյան․ ՏԵՍԱՆՅՈՒԹ
Ամեն ինչ պետք է անենք, որ ո՛չ խաղողագործները, ո՛չ լոլիկագործները ստիպված չլինեն ճանապարհ փակել․ Փաշինյան․ ՏԵՍԱՆՅՈՒԹ
Տնտեսություն
18.02.2021 | 12:17
Վարչապետ Նիկոլ Փաշինյանն այսօր կառավարության նիստում հայտնեց, որ ջրային ռեսուրսների կուտակման խնդիր ջրամբարներում այս պահին չկա, բարենպաստ պայմաններ են, և կարծես թե, խնդիրներ չեն էլ լինի տարվա ընթացքում, բայց ջրային ռեսուրսների ճիշտ ու արդյունավետ բաշխվածության մասով պետք է լուրջ աշխատանք տարվի:
«Պետք է հույս ունենալ, որ այս տարի մենք կկարողանանք ամեն ինչ անել, որ ո՛չ խաղողագործները, ո՛չ լոլիկագործները, ո՛չ այգեգործները ստիպված չլինեն իրենց ձայնը լսելի դարձնելու համար ճանապարհներ փակել, ակցիաներ անել»,- նշեց Փաշինյանը:
Կառավարության ղեկավարը հիշեցրեց՝ մարտին մեկնարկում են գյուղատնտեսական աշխատանքները, մարզպետարանների և համայնքապետարանների հետ պետք է սերտ աշխատել, որպեսզի խնդիրների մասին իմանան նախապես և դրանց չծագելու ուղղությամբ աշխատեն, այլ ոչ թե խնդիրը ծագի, և մարդիկ իրենց ասածը բարձրաձայնելու համար ստիպված լինեն այլ եղանակներ փնտրել:
Մանրամասները՝ տեսանյութում:
