01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
ԿԺԴՀ-ից Հարավային Կորեայի վրա օրական 1,58 միլիոն հաքերային հարձակում են իրականացնում
Քաղաքականություն
18.02.2021 | 13:21
Հարավային Կորեայի անվտանգության մարմինները օրական միջինում 1,58 միլիոն համակարգչային գրոհներ են ֆիքսում ԿԺԴՀ-ից, որոնց հետևանքով տարեկան մի քանի հարյուր հազար դոլար է գողացվում, գրում է ՏԱՍՍ-ը՝ վկայակոչելով ճապոնական Nikkei-ը
Սեուլում հետախուզական աղբյուրների տվյալների համաձայն՝ հաքերային գրոհների հիմնական թիրախներն են հանդիսանում Հարավային Կորեայում փոքր ու միջին կազմակերպությունները, որոնց համակարգիչների մեջ փորձում են վիրուս գցել ու դրանք արգելափակել։ Որոշ դեպքերում չարագործները սպառնում են հրապարակել գաղտնի տեղեկություններ, մասնավորապես հաճախորդների անձնական տվյալներ ու գաղտնի պահվող տեղեկություններ՝ պահանջելով գումար։ Համաձայն այդ տվյալների՝ միջինում պահանջում են 40,7 հազար դոլարից մինչև 470 հազար դոլար։
Պարբերականի պնդմամբ՝ Հարավային Կորեային հաքերային գործողությունների հետևանքով 2020 թվականին հասցվել է շուրջ 1,8 միլիարդ դոլարի վնաս։ Ըստ այդ տվյալների՝ այդ գումարը վերջին 5 տարում ավելացել է 18 անգամ։ Հաքերները սովորաբար գումարները պահանջում են բիթքոինով, որոնք այնուհետև փոխանակում են Չինաստանի բորսաներում։
ԱՄՆ արդարադատության նախարարությունից հայտնել են, որ մեղադրանք է առաջադրել Հյուսիսային Կորեայից երեք հաքերների՝ զանգվածային կիբեր հարձակումների համար, որոնց միջոցով հափշտակվել է ավելի քան 1,3 միլիարդ դոլար, այդ թվում նաև կրիպտոարժույթով:
Տաթև Ֆռանգյան
