07.10.2026 | 23:48
Արթուր Դանիելյանը կալանավորվեց
Արցախի քաղաքացիները 4 ամիս շարունակ 68 հազար դրամ աջակցություն կստանան․ նախարարը ներկայացրեց ծրագիրը․ ՏԵՍԱՆՅՈՒԹ
Քաղաքականություն
18.02.2021 | 12:08
Կառավարությունն արցախահայերի համար 20 միջոցառում է հաստատել, մի մասը կատարվել է, մյուս մասը կատարման ընթացքում է: Այս մասին Կառավարության նիստին հայտնեց աշխատանքի և սոցիալական հարցերի նախարար Մեսրոպ Առաքելյանը՝ հավելելով, որ ընդհանուր առմամբ այդ միջոցառումների շրջանակում ֆինանսավորվել է 21.5 մլրդ դրամ, այսինքն՝ այդքան գումար արդեն փաստացի տրամադրվել է արցախահայությանը:
«Ընթացքի մեջ գտնվող ծրագրերի շրջանակում շահառուները մինչև 3 մլրդ դրամի լրացուցիչ դրամական աջակցություն են ստանալու, այսինքն՝ բոլոր գործող ծրագրերի մասով բյուջեն կկազմի 25 մլրդ դրամ»,- ասաց նախարարը: Նա նաև նշեց, որ այսօր ներկայացվող ծրագրի բյուջեն 4 ամսվա համար կհասնի 30 մլրդ դրամի, հետևաբար արցախահայության համար հատկացված ընդհանուր ֆինանսավորումը կհասնի 55 մլրդ դրամի:
«Արցախի կառավարությունը նույնպես հատկացումներ է անում, մասնավորապես, 2021 թվականի ընթացքում Արցախում փոխհատուցվելու է կոմունալ վճարների ծախսերը որոշակի սահմանների շրջանակում՝ գազի, էլեկտրաէներգիայի և ջրի գծով: Եկամտահարկը 6 ամիս բիզնեսի հիմնական ճյուղերում փոխհատուցվելու է ամբողջությամբ:
Մեր առաջին միջոցառումից մոտ 100 հազար քաղաքացի օգտվել էր, որով տրամադրվել էր 68 հազար դրամ օգնություն, և, դրանից բացի, տեղահանված անձանց, որոնց թիվը կազմում է մոտ 35 հազար, յուրաքանչյուր անձի, այդ թվում՝ անչափահասներին, տրվել է 300 հազար դրամ աջակցություն: 30 հազար հոգի արդեն ստացել է, այդ աջակցությունը կստանա մինչև 7 հազար քաղաքացի»,- նշեց Առաքելյանը՝ հավելելով, որ Արցախում ապրած, բայց այնտեղ գրանցում չունեցած քաղաքացիները նույնպես աջակցություն կստանան՝ հիմք է ընդունվել նրանց բնակության վայրը:
Նախարարի խոսքով՝ նոր նախագծով՝ 4 ամիս ժամկետով միանվագ՝ 68 հազար դրամ կտրամադրվի Արցախի Հանրապետության բոլոր քաղաքացիներին, բացառությամբ 18-63 տարեկան տղամարդկանց, որոնք չունեն հաշմանդամության խումբ:
Մանրամասները՝ տեսանյութում:
