19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Եվրախորհրդարանում առաջարկել են արգելել Բելառուսին մասնակցել «Եվրատեսիլ» երգի մրցույթին
Քաղաքականություն
18.02.2021 | 11:53
Շվեդիայի «Լիբերալական» կուսակցությունից Եվրախորհրդարանի պատգամավոր Կարին Կարլսբրուն չորեքշաբթի նախաձեռնել է ստորագրահավաք Եվրոպական հեռարձակողների միությանը (EBU) ուղղված նամակի տակ, որով պահանջում է արգելել Բելառուսին մասնակցել Նիդերլանդներում կայանալիք «Եվրատեսիլ» երգի մրցույթին։
«Անթույլատրելի է, որպեսզի EBU-ն համագործակցի Բելառուսի պետական հեռուստաընկերության հետ, քանի դրա ղեկավար Իվան Էյսմոնտը ներառված է ԵՄ մարդու իրավունքները ոտնահարողների պատժամիջոցների ցուցակում, իսկ պետական մեդիաընկերությունը հետապնդում է իր աշխատակիցներին։ Քանի որ Իվան Էյսմոնտը գտնվում է ԵՄ պատժամիջոցների ցուցակում, ակնհայտ է, որ եվրոպական մյուս մեդիաընկերությունները պետք է դադարեցնեն ցանկացած համագործակցություն»,- պնդել է Կարլսբրուն իր պաշտոնական էջում տեղադրված հայտարարության մեջ։
Վերջինս իր առաջարկը հիմնավորել է այն բանով, որ Բելառուսի պետական հեռուստաընկերությունից ստիպված են եղել հեռանալ ավելի քան 100 մարդ։ Նրանց մի մասը, այդ թվում նաև «Եվրատեսիլ» մրցույթում բելառուսական պատվիրակության նախկին անդամ Դենիս Սոկոլովը, բանտարկված է:
Տաթև Ֆռանգյան
