11.09.2026 | 14:05
Նյու Յորքում սեպտեմբերի 11-ի հարձակումների 25-րդ տարելիցի հիշատակի միջոցառումներ կանցկացվեն
Փաշինյանի հանդիպումը գերիների հարազատների հետ, Այվազյանը մեկնել է Մոսկվա․ Լուրեր
Քաղաքականություն
17.02.2021 | 18:34
Փոխվարչապետ Մհեր Գրիգորյանը անցկացրել է Արցախի վերականգնման աշխատանքային խմբի հերթական նիստը։ Քննարկվել են տեղահանվածների բնակարանային խնդրի լուծման տարբերակները, վերաբնակեցման վայրերում գյուղատնտեսությամբ զբաղվելու կարևորությունը:
—
ՀՀ վարչապետ Նիկոլ Փաշինյանն այսօր Գյումրիում փակ հանդիպում է ունեցել Խծաբերդում գերեվարված անձանց հարազատների հետ: «Իմ քայլը» խմբակցության պատգամավոր Նազելի Բաղդասարյանը նշել է, որ ցանկացած տեղեկություն, որը հայտնվում է լրատվական դաշտում, օգտագործվում է գերեվարված անձանց դեմ, սա է պատճառը, որ այս թեմայով տեղեկատվությունը լինում է սակավ։
—
ՌԴ արտգործնախարար Սերգեյ Լավրովն այսօր հեռախոսազրույց է ունեցել ադրբեջանցի պաշտոնակից Ջեյհուն Բայրամովի հետ։ Քննարկվել է Հայաստանի, Ռուսաստանի և Ադրբեջանի ղեկավարների՝ հունվարի 11-ի պայմանավորվածությունների իրագործման ընթացքը։ Հիշեցնենք նաև, որ այսօր Մոսկվայում է լինելու ՀՀ արտաքին գործերի նախարար Արա Այվազյանը։
—
Արցախում պաշտոնական լեզվի փոփոխությունը չունի որևէ հիմնավորում և անհրաժեշտություն։ Արցախում ռուսերենին պաշտոնական կարգավիճակ տալու մասին նախագծին այսպես է արձագանքել Արցախի սոցիալական հարցերի նախարար Մանե Թանդիլյանը։
—
