Քաղաքականություն
17.02.2021 | 16:29
ՌԴ արտգործնախարար Սերգեյ Լավրովն այսօր հեռախոսազրույց է ունեցել ադրբեջանցի պաշտոնակից Ջեյհուն Բայրամովի հետ։ Այս մասին տեղեկանում ենք ՌԴ ԱԳՆ տարածած հաղորդագրությունից։
«Նախարարները քննարկել են Ռուսաստանի, Հայաստանի ու Ադրբեջանի ղեկավարների՝ Մոսկվայում 2021 թվականի հունվարի 11-ին ձեռք բերված պայմանավորվածությունների իրագործման ընթացքը, ինչպես նաև երկկողմ ու միջազգային օրակարգի մի շարք արդիական հարցեր»,- ասվում է հաղորդագրության մեջ։
Հիշեցնենք նաև, որ այսօր աշխատանքային այցով Մոսկվա է մեկնում ՀՀ արտաքին գործերի նախարար Արա Այվազյանը։
Էմմա Չոբանյան
