17.09.2026 | 21:58
«G Class invest»-ը գործում է ԿԲ-ի վերահսկողությունից դուրս. Կենտրոնական բանկն ահազանգում է
Շատ հարցեր կան, որոնց թերացումները տեսնում եմ, սակայն բարձրաձայնելու պահը չէ․ Փաշինյանի օգնական. ՏԵՍԱՆՅՈՒԹ
Քաղաքականություն
11.02.2021 | 17:11
Ես ծնողների կողքին կանգնած եմ, Կառավարության կողմից ինֆորմացիա փոխանցող չեմ, մասնակցում եմ ակցիային։ Լրագրողների հետ զրույցում այս մասին ասաց Նիկոլ Փաշինյանի օգնական Գագիկ Իսախանյանը, որը ներկա էր անհետ կորած զինծառայողների հարազատների՝ Կառավարության շենքի դիմաց անցկացվող բողոքի ակցիային:
Անդրադառնալով հարցին՝ կիսո՞ւմ է ակցիա իրականացնող անձանց կարծիքը, որ Կառավարությունը դանդաղում է իր գործողություններում, նա պատասխանեց, որ բոլոր ոլորտներում էլ թերացումներ կան:
«Բոլոր ոլորտներում թերացումներ կան: Մենք բոլորս պետք է այդ թերացումները գտնենք ու վերահսկենք: Ես պետք է պետական մակարդակի վրա լծակներ ունենամ, և այդ թերացումները աշխատենք վերացնել»,- ասաց Իսախանյանը:
Նրա կարծիքով՝ գերիների վերադարձի հարցում լրատվամիջոցները խանգարում են․ «Լրատվամիջոցները խանգարում են՝ որոնողական աշխատանքներին, գերիներին վերադարձնելու աշխատանքներին»,- ասաց Գագիկ Իսախանյանը՝ հավելելով․ «Շատ թերացումներ կան, բայց չպետք է բարձրաձայնել, քանի դեռ այդ հարցը չի լուծվել»:
Մանրամասները՝ տեսանյութում:
