17.09.2026 | 16:50
Ադրբեջանի ցամաքային սահմանները փակ կմնան մինչև 2027 թվականի հունվարի 2-ը․ COVID-19-ի կարանտինային ռեժիմը կրկին երկարացվել է
Մեդիատեռորը պակաս դավաճանություն չէ․ Բաբաջանյանը՝ պետական դավաճանության պատիժը խստացնող օրինագծի մասին. ՏԵՍԱՆՅՈՒԹ
Քաղաքականություն
11.02.2021 | 16:06
Երկու ձեռքով կողմ եմ բերված նախագծին։ Խորհրդարանում պետական դավաճանության և լրտեսության համար պատժաչափը խստացնելու մասին նախագծի քննարկմանը նշեց ԱԺ անկախ պատգամավոր Արման Բաբաջանյանը:
«Կարծում եմ՝ մենք այնտեղ չենք փնտրում դավաճաններին, որտեղ նրանք են: Այն, ինչ կատարվում է, պակաս դավաճանություն չէ, այդ թվում՝ ներքին թշնամու ձեռամբ: Այն տեռորը, որի անունն է մեդիատեռոր, որն իրականացվում է մեր հասարակությունն ու երկրի դիմադրողականությունը թուլացնելու համար, պակաս դավաճանություն չէ։ Ի վերջո, պետության բռնազավթումն է դավաճանություն, Հոկտեմբեր 27 և Մարտի 1 թույլ տալն է դավաճանություն, բանակը թալանել ու զինվորի հաշվին հարստանալն է դավաճանություն: Մի քանի անգամ թանկ խոտան զենքի ձեռքբերումն է դավաճանություն: Երկիրը քրեաօլիգարխիայի վերածելն է դավաճանություն: Ապաշնորհ արտաքին քաղաքականությունն է դավաճանություն: Պետության գույքը պարտքի դիմաց օտարելն է դավաճանություն: Հայաստանի ինքնիշխանությունն առևտրի առարկա դարձնելն է դավաճանություն: Ի վերջո, զինվորի վրա երկրի անվտանգության ամբողջ բեռը թողնելն է դավաճանություն»,- նշեց Բաբաջանյանը:
Մանրամասները՝ տեսանյութում:
