04.03.2026 | 14:55
Կուսակցության կողմից պատրաստված հոլովակներում օգտագործվել են համացանցից վերցված քաղաքացիների լուսանկարներ․ Cyberhub
Փաշինյանն ո՞ւմ համեմատ բարձր վարկանիշ ունի․ եթե ընդդիմադիրների, ապա՝ այո. Լուսինե Բադալյան. ՏԵՍԱՆՅՈՒԹ
Քաղաքականություն
11.02.2021 | 15:41
Նիկոլ Փաշինյանը երկու ամիս առաջ ներկայացրեց վեցամսյա ճանապարհային քարտեզ և նշեց, որ այնտեղ նշված բոլոր կետերի իրականացումից հետո կքննարկվի արտահերթ ընտրությունների կամ հրաժարականի հարցը, և այս ընթացքում, կարծում եմ, որևէ բան չի փոխվել: Այս մասին Factor TV-ի հետ զրույցում ասաց «Իմ քայլը» խմբակցության պատգամավոր Լուսինե Բադալյանը՝ անդրադառնալով արտահերթ ընտրությունների վերաերյալ «Իմ քայլի» հայտարարությանը և հարցին՝ արդյո՞ք արտահերթ ընտրությունները կթոթափեին հանրության լարվածությունը:
«Այնպես չէ, որ արտահերթ ընտրություններ ընդհանրապես չեն լինելու: Խոսքն այս պահին արտահերթ ընտրություններ չանցկացնելու մասին է, ոչ թե օրակարգից այդ հարցը ամբողջությամբ հանելու մասին: Վեց ամիս հետո հստակ կերևա՝ կա՞ դրա անհրաժեշտությունը, թե՞ ոչ»,- նշեց Բադալյանը:
Հարցին, թե Նիկոլ Փաշինյանը շարունակո՞ւմ է ունենալ բարձր վարկանիշ, որն ուներ 2018-ին, Բադալյանը պատասխանեց. «Եթե կա վարկանշային անկում, դա բնականոն է հետպատերազմյան այս շրջանում… Փաշինյանն ո՞ւմ համեմատ բարձր վարկանիշ ունի․ եթե ընդդիմադիրների, ապա՝ այո»:
Մանրամասները՝ տեսանյութում:
