07.10.2026 | 23:48
Արթուր Դանիելյանը կալանավորվեց
Ֆեյքերի դեմ պայքարը պետք է սկսել կառավարության ՊՈԱԿ-ի գործունեության դադարեցմամբ. Իվետա Տոնոյան. ՏԵՍԱՆՅՈՒԹ
Քաղաքականություն
11.02.2021 | 14:17
ԱԱԾ որևէ որոշում չի կարող գերակա լինել, քան ՀՀ Սահմանադրությունն է և օրենսդրությունը: ՀՀ Սահմանադրությունը և օրենսդրությունը ապահովում են ԶԼՄ-ների բնականոն անխափան աշխատանքը՝ չթույլատրելով լրագրողների աշխատանքի խոչընդոտում: Իսկ ԱԱԾ-ի նախօրեին տարածած հայտարարության մեջ ես տեսնում եմ այդպիսի միտումներ, որոնք սահմանափակելու են լրատվամիջոցների անկաշկանդ աշխատանքը: Այս մասին Factor TV-ի հետ զրույցում ասաց ԱԺ ԲՀԿ խմբակցության պատգամավոր Իվետա Տոնոյանը՝ անդրադառնալով ԱԱԾ-ի հայտարարությանն այն մասին, որ Սյունիքի մարզում նկարահանումներ անելու համար ԶԼՄ-ները պետք է ստանան ԱԱԾ-ի թույլտվությունը:
«Սա ոչ այլ ինչ է, քան հետհեղափոխական Հայաստանում, Նիկոլ Փաշինյանի Հայաստանում լրատվամիջոցների աշխատանքի սահմանափակում և խոչընդոտում»,- նշեց Տոնոյանը՝ հավելելով, որ այս իշխանությունների համար գործելաոճ է դարձել ծածկադմփոց անելով, իրականությունը ժողովրդից թաքցնելով՝ սեփական դեմքը փրկելու փորձերը:
Անդրադառնալով դիտարկմանը, որ իշխանությունը ֆեյքերի դեմ պայքարի նախագիծ է օրակարգ բերել, Տոնոյանն ընդգծեց, որ ֆեյքերի դեմ պետք է պայքարել, բայց այդ պայքարը պետք է սկսել կառավարության ՊՈԱԿ-ի գործունեության դադարեցմամբ, պետք է կարկառուն ֆեյքերին հայտնաբերել և պատասխանատվության ենթարկել:
Մանրամասները՝ տեսանյութում:
