17.09.2026 | 17:45
«Փաթթած ունեմ ձեզ էլ, 1-02-ն էլ»․ ըստ քաղաքացու՝ ոստիկաններն իրեն խոշտանգել են, կնոջը՝ կոպտել․ ՏԵՍԱՆՅՈՒԹ
Բրիտանացի գիտնականները կանխատեսել են՝ կորոնավիրուսի որ շտամը կլինի դոմինանտ աշխարհում
Քաղաքականություն
11.02.2021 | 16:41
Քենթում հայտնաբերված կորոնավիրուսի շտամը աշխարհում կարող է դառնալ դոմինանտ։ Նման կանխատեսումներ են արել Միացյալ Թագավորության գենետիկ հսկողություն իրականացնող գիտնականները, գրում է BBC news-ը։
Պրոֆեսոր Շարոն Փիքոքը հայտնել է BBC-ին, որ վիրուսի նոր տարբերակը «տարածվել է երկրում, և ամենայն հավանականությամբ, կտարածվի նաև ողջ աշխարհում»։
Քենթում հայտնաբերված վիրուսի շտամն արդեն հայտնաբերվել է ավելի քան 50 երկրում: Այն առաջին անգամ հայտնաբերվել էր 2020 թվականի սեպտեմբերին Անգլիայի հարավ-արևելքում և հաջորդող ամիսների ընթացքում արագ տարածվել, ինչի հետևանքով հունվարին Մեծ Բրիտանիայի տարածքում արգելափակման նոր կանոններ են մտցվել:
Covid-19 Genomics UK consortium-ի տնօրեն, պրոֆեսոր Փիքոքը հայտարարել է, որ այս պահին մարդկությունը խոցելի է վիրուսի փոխանցելիության պատճառով։ «Երբ մենք հաղթահարենք վիրուսը կամ այն ինքն իրեն մուտացիայի ենթարկվի ու դառնա ոչ մահացու, մենք կկարողանանք դրա մասին չանհանգստանալ։ Սակայն, նայելով ապագային, ըստ իս, սա շուրջ 10 տարի կտևի», – ասել է Փիքոքը։
Տաթև Ֆռանգյան
