24.02.2026 | 11:55
Իրանում Սուրեն Պապիկյանը հանդիպել է իր պաշտոնակցին
Պետության կողմից փոխհատուցվող արտամարմնային բեղմնավորման ծրագրին այս տարի ավելի քան 6300 շահառու է դիմել
Հասարակություն
14.12.2024 | 13:57
Պետության կողմից երաշխավորված անվճար վերարտադրողական օժանդակ տեխնոլոգիաների միջոցով արտամարմնային բեղմնավորման (ԷԿՈ) ծրագրից օգտվող շահառուների թիվը, ծրագրի ընդլայնումից հետո, նախորդ տարվա համեմատ աճել է գրեթե 1000-ով:
«Արմենպրես»-ի թղթակցի հաղորդմամբ՝ Ծաղկաձորում լրագրողների հետ հանդիպման ժամանակ ՀՀ առողջապահության նախարարի տեղակալ Արմեն Գասպարյանն ընդգծեց, որ 2023 թվականի 5441 շահառուի համեմատ պետության կողմից երաշխավորված անվճար «ԷԿՈ» ծրագրին 2024 թվականի մինչև հոկտեմբեր ամիսը 6370 կին է դիմել:
«Նախկինում, մինչև ծրագրի ընդլայնումը, երկրորդային անպտղության դեպքում ծրագրից օգտվելու հնարավորություն էինք տալիս միայն սահմանամերձ բնակավայրերում ապրող կանանց, իսկ այժմ՝ բոլորին: Դեռ ևս երկու ամսվա ցուցանիշները չունենք, բայց, միանշանակ, այդ թիվը մինչև տարեվերջ ավելի է բարձրանալու»,-հավելեց փոխնախարարը՝ մանրամասնելով, որ օժանդակ տեխնոլոգիաների կիրառմամբ պետպատվերի շրջանակներում 2020 թվականից առ այսօր 898 երեխա է ծնվել, որից 81-ը՝ զոհված զինծառայողների ընտանիքում:
Published by Armenpress, original at https://armenpress.am/hy/article/1207474
