27.06.2026 | 20:25
Էդվարդ Ասրյանը մասնակցել է ԶՈՒ սերժանտների երդման հանդիսավոր արարողությանը
Գերիների մասին հիշեցնելու կարիք չկա․ ոչ մի վայրկյան չենք մոռանում․ Փաշինյան. ՏԵՍԱՆՅՈՒԹ
Քաղաքականություն
10.02.2021 | 18:10
Ազգային ժողով-Կառավարություն հարցուպատասխանի ժամանակ «Իմ քայլի» պատգամավոր Նազելի Բաղդասարյանը, անդրադառնալով գերիների խնդրին, ասաց. «Շիրակի մարզում դժգոհության ալիք կա` միջպետական ճանապարհ է փակվել, և ծնողները ցանկություն ունեն հանդիպել ձեզ հետ` վստահ լինելու համար, որ գերիների վերադարձի գործընթացը լինելու է շարունակական»:
Ի պատասխան՝ վարչապետ Նիկոլ Փաշինյանն ասաց, որ բոլորն են դժգոհ, այդ թվում՝ Կառավարությունը:
«Գերիների խնդրի մասին մեզ ու ինձ հիշեցնելու անհրաժեշտություն չկա, որովհետև մենք ոչ մի վայրկյան այդ խնդրի մասին չենք մոռանում: Այդ խնդրի հետ կապված մեզ որևէ գործողության դրդելու համար որևէ ակցիա իրականացնելու անհրաժեշտություն չկա: Սա այն երևույթն է, որտեղ մենք պետք է առաջնորդվենք բժշկական սկզբունքով՝ չվնասել»,- նշեց Փաշինյանը՝ հավելելով, որ այս ընթացքում եղել են գործողություններ, որոնք կատարելիս մտածել են, թե դա օգնում է, բայց հակառակը՝ վնասել է գործընթացին:
Փաշինյանն ընդգծեց, որ Ռուսաստանի գործընկերները շատ ակտիվ ներգրավված են գործընթացում:
«Այո, մենք էլ գոհ չենք այն արդյունքներից, որն այս պահին ունենք, բայց սա չի նշանակում, թե մենք որևէ վայրկյան դադարեցնում ենք կամ պետք է դադարեցնենք այս ուղղությամբ աշխատանքը: Եվ ես համոզվել եմ, որ որքան քիչ լինի հրապարակայնությունն այս աշխատանքի նկատմամբ, այնքան լավ»,- նշեց նա:
Մանրամասները՝ տեսանյութում:
