11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Թալանի հետևից գնալիս․ Արցախում ականի վրա պայթելու հետևանքով 14 ադրբեջանցի զինծառայող ու խաղաղ բնակիչ է զոհվել, 60-ը՝ վիրավորվել
Քաղաքականություն
09.02.2021 | 20:43
Ռազմական գործողությունների ավարտից հետո պարբերաբար տեղեկություններ են տարածվում այն մասին, որ Արցախի զավթված շրջաններում ադրբեջանցի զինվորականներ ու քաղաքացիական անձինք ականի վրա պայթելու հետևանքով զոհվում կամ վիրավորվում են։ Ադրբեջանի գլխավոր դատախազությունն ամփոփել ու որոշ տվյալներ է ներկայացրել այս առնչությամբ։
«Չնայած բազմիցս հնչած նախազգուշացումներին՝ ականների վրա պայթյունների դեպքեր կան, ինչը հանգեցնում է մահվան կամ ծանր վիրավորումների։ 2020թ․ նոյեմբերի 10-ից մինչև այսօր 5 զինծառայող, 9 քաղաքացիական անձ է զոհվել ականի վրա պայթյունի հետևանքով, 52 զինծառայող և 8 քաղաքացիական անձ էլ ստացել է տարբեր ծանրության մարմնական վնասվածք»,- ասվում է գերատեսչության հայտարարության մեջ։
Գլխավոր դատախազությունը նաև հայտնում է, որ մինչև տարածքների ականազերծման աշխատանքների ավարտը՝ անօրինական այցեր կատարողների նկատմամբ օրենքով նախատեսված խիստ միջոցներ են ձեռնարկվելու։
Այսպիսի նախազգուշական հայտարարություններ պարբերաբար անում են տարբեր գերատեսչություններ։ Խնդիրը, ըստ երևույթին, բավական անհանգստանող է, քանի որ Ադրբեջանի նախագահ Իլհամ Ալիևն անձամբ օրերս կոչ արեց քաղաքացիներին՝ առանց թույլտվության ու անօրինական կերպով չայցելել այդ տարածքներ։ Ալիևին, ըստ ամենայնի, ոչ այնքան հետաքրքրում է սեփական քաղաքացիների անվտանգությունը, որքան թալանը, որն նրանք իրականացնում են այնտեղ։
Պատերազմի ավարտից հետո սոցիալական ցանցերի ադրբեջանական տիրույթում պարբերաբար են տեսանյութեր ու տեղեկություններ տարածվում Արցախի զավթված տարածքներում ադրբեջանցիերի կողմից իրականացվող թալանի մասին։ Տարբեր տեսանյութեր վկայում են, թե ինչպես են ադրբեջանցիները թալանում հայերի բնակարանները, ոչնչացնում գույքը, թալանում Հադրութի գինու գործարանը, դուրս բերում տոննաներով ցորեն, տարբեր սարքավորումներ։ Թալանված ապրանքներն էլ վաճառվում են տարբեր խանութներում, շատ դեպքերում՝ առցանց։
Ընդ որում, որոշ տվյալներով, թալանը կազմակերպվում է պաշտոնյաների մակարդակով։ Ոստիկանապետերն ու գործադիր իշխանության ներկայացուցիչները մարդկանց տարբեր խմբերի են ուղարկում ականապատ ու վտանգավոր տարածքներ։ Ըստ տարածվող տեղեկությունների՝ հիմա էլ սկսվել է երկաթի ու պողպատի առևտուրը։
Էմմա Չոբանյան
