27.08.2026 | 13:26
Նախագահ Քոչարյանը այս պահին կալանավորված չէ Հոկտեմբերի 27-ի համար․ Գրիգորյանը՝ Միքայելյանին․ ՏԵՍԱՆՅՈՒԹ
Թալիշում ադրբեջանցի 5 սպա ու զինծառայող է պայթել ականի վրա
09.02.2021 | 14:30
Ադրբեջանցի սպաների ու զինծառայողների` ականի վրա պայթելու հերթական դեպքն է գրանցվել Արցախի գրավյալ տարածքներում։ Ադրբեջանական լրատվամիջոցների փոխանցմամբ՝ այս անգամ դեպքը տեղի է ունեցել Թալիշում։
N զորամասի հրամանատար, փոխգնդապետ Քյամիլ Դունիևը, նույն զորամասի լեյտենանտ Հասան Ահմեդովը, զինծառայողներ Սարհան Գարիբովը, Էլշադ Օրուջևը, Մագերամ Օրուջևը պայթել են ականի վրա ու ստացել լուրջ վնասվածքներ։ Զինծառայողները հոսպիտալացվել են, փոխգնդապետ Դունիևի ոտքն անդամահատվել է։
Դեպքի առնչությամբ հարուցվել է քրեական գործ, կատարվում է հետաքննություն։
Նշենք նաև, որ Ադրբեջանի գլխավոր դատախազությունը հրապարակել է տվյալներ, որոնց համաձայն՝ ռազմական գործողությունների ավարտից հետո Արցախի գրավյալ տարածքներում ականի վրա պայթելու հետևանքով 5 զինծառայող, 9 խաղաղ բնակիչ է զոհվել, 52 զինծառայող ու 8 բնակիչ էլ վիրավորվել է։
Հավելենք նաև, որ Ադրբեջանի ՊՆ-ն հաստատել է 4 վիրավորվածի մասին տեղեկությունը։
Էմմա Չոբանյան
