25.04.2026 | 10:06
ՀՀ տարածքում ավտոճանապարհները հիմնականում անցանելի են
Մարտունու շրջանում ականազերծման աշխատանքները շարունակվում են. ՏԵՍԱՆՅՈՒԹ
09.02.2021 | 10:42
Ռուսաստանի Պաշտպանության նախարարության ականազերծման միջազգային կենտրոնի մասնագետները շարունակում են Լեռնային Ղարաբաղի տարածքի ականազերծման աշխատանքները Մարտունիի շրջանում։ Այս մասին հայտնում են ՌԴ ՊՆ-ից։
Ռուս խաղաղապահ ուժերի ինժեներական ստորաբաժանումները 2020 թվականի նոյեմբերի 23-ից ՝ օպերացիայի անցկացման ողջ ընթացքում չպայթած զինամթերքից մաքրել են 1191,3 հա տարածք, ավելի քան 350 կմ ճանապարհ, 1170 շենք-շինություն, այդ թվում նաև 29 սոցիալական նշանակության օբյեկտ, հայտնաբերվել ու չեզոքացվել է շուրջ 24,2 հազար պայթյունավտանգ առարկա։
Տեղեկացվում է, որ ականազերծման ու բնակավայրերի ծայրամասերի մաքրման ընթացքում ռուս խաղաղապահների կողմից կիրառվում են ժամանակակից «Ուրան-6» ռոբոտատեխնիկական համակարգեր, որոնք թույլ են տալիս ապահովել զինվորականների անվտանգությունը պայթյունավտանգ աշխատանքների ընթացքում և ապահովում են ցանկացած եղանակային պայմաններում տեղանքի մաքրման բարձր տեմպը։
Հայտնաբերված պայթյունավտանգ առարկաներն ու չպայթած զինամթերքը տարհանվում ու ոչնչացվում են հատուկ կահավորված հրաձգարաններում։ Զինամթերքը, որը հնարավոր չէ տարհանել, ոչնչացվում է տեղում՝ պահպանելով անվտանգության բոլոր կանոնները։
Տաթև Ֆռանգյան
