09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Ռուս-թուրքական միասնական կենտրոնը մշտադիտարկում է իրականացնում ԼՂ-ում
06.02.2021 | 15:35
Ռուս-թուրքական միասնական կենտրոնի անձնակազմը ԼՂ հակամարտության գոտում շարունակում է կատարել ռազմական գործողությունների և կրակի դադարեցման պահպանման մշտադիտարկման առաջադրանքները: Այս մասին տեղեկացնում է ՌԴ ՊՆ կայքը:
«Մենք գտնվում ենք ռուս-թուրքական մշտադիտարկման միասնական կենտրոնում, որտեղ ռուս և թուրք զինծառայողներն իրականացնում են Կեռնային Ղարաբաղում ռազմական գործողությունների և կրակի դադարեցման վերահսկողության համատեղ առաջադրանք: Իրավիճակի մշտադիտարկումն իրականացվում է շուրջօրյա՝ անօդաչու թռչող սարքերի, մասնավորապես՝ Форпост և Орлан-10 համակարգերի միջոցով: Հրադադարի ռեժիմի խախտումներ չեն արձանագրվել»,- հայտարարել է միասնական կենտրոնի Ռուսաստանի ներկայացուցիչ, գնդապետ Միխայիլ Զավալկինը:
Միասնական կենտրոնի զինծառայողներն անօդաչու թռչող սարքերից շարունակաբար պատկերներ են ստանում կառավարման կենտրոնում, որտեղ վերլուծում են ռազմական տեխնիկայի, անձնակազմի բոլոր տեղաշարժերը և արձանագրում շփման գիծը հատելու բոլոր փաստերը:
Միասնական կենտրոնի հերթափոխի հերթապահները հավաքում, ամփոփում և ստուգում են ձեռք բերված պայմանավորվածությունների խախտումների վերաբերյալ տեղեկատվությունը, քննարկում՝ արցախյան հակամարտության կողմերի միջև ձեռք բերված պայմանավորվածությունները չկատարելու հետ կապված հարցերի կամ խնդիրների վերաբերյալ ցանկացած բողոք:
